Articol di 1000 che tucc i Wikipedie gh'hann de havégh

Mahatma Gandhi

De Wikipedia
(Rimandad de Mohandas Gandhi)
Salta a la navigazzion Và a cercà

Insigne Langobardiae.svg

Chest artícol a l'è scricc in Lumbàrt, ortograféa orientàl unificàda.


Gandhi 'ndèl 1942

Mohandas Karamchand Gandhi (en devanagari मोहनदास करमचन्द गांधी, Porbandar, 2 de utùer del 1869Nöa Delhi, 30 de zenér del 1948) l'è stat en òm pulìtich indiàno.

Guìda spiritüàla de prìma 'mportànsa per el sò paés, se 'l conós suratöt col nòm de Mahatma ("ànema grànda" 'n lèngua sànscrita), scötöm che gh'è stat dat per la prìma ólta del poéta Rabindranath Tagore. Gandhi l'è stat giü dei piuniér e dei teòrich del satyagraha, la rezistènsa a l'opresiù per mèzo de la dizübidiènsa civìl de màsa che la g'ha portàt l'India a la 'ndependènsa. El satyagraha l'è fondàt sö la satya (verità) e sö la ahimsa (nonviolènsa). Có le sò asiù 'l Gandhi 'l g'ha ispiràt divèrsi müimèncc de diféza dei dirìcc civìi e grànde personalità compàgn de Martin Luther King, Nelson Mandela e Aung San Suu Kyi.

'N India, 'l Gandhi l'è stat ricunusìt come pàder de la nasiù e 'l dé che l'è nasìt (el 2 de utùer) l'è 'n dé de fèsta. Chèsta dàta l'è stàda proclamàda apò a Zurnàda 'Nternasiunàla de la Nonviolènsa de l'Asemblèa generàl de le Nasiù Ünìde.