Martin Luther King

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
El scior King in di Agn Sessanta.
Wikiquote-logo.svg
«Mì incoeu gh'hoo on sogn!»
(Martin Luther King)

El Martin Luther King, nassuu Michael King jr. (Atlanta, 15 de genar del 1929 - Memphis, quatter de april del 1968) l'è staa on pastor protestant e politegh american, e ativista di diritt civil.

L'è cognossuu in tutt el mond per la soa lotta minga violenta per i diritt di negher in di Statt Unii, che in quei agn eren anmò discriminaa e gh'aveven minga i istess possibilità (economegh, ma soratutt politegh) di bianch. Insemma al Gandhi, l'è consideraa l'apostol de la non violenza, ona manera de portà inanz idei revoluzzionari senza borlà dent in del conflitt - el contrari, per esempi, de quell che 'l faseva on olter leader negher de quei agn, el Malcom X.
In del 1964, per 'sti lavor, a gh'hann daa el Premi Nobel per la Pas. L'è mort sassinaa quatter agn pussee tardi.