Moehringia concarenae

De Wikipedia
Jump to navigation Jump to search
Chest artícol a l'è scricc in Lumbàrt Orientàl, ortograféa unificàda Lombard oriental
Moehringia concarenae
Classifigazion sientífiga
Regn: Plantae
SubRegn: Tracheobionta
Division: Magnoliophyta
Clas: Magnoliopsida
Subclassa: Caryophyllidae
Ùrden: Caryophyllales
Famìa: Caryophyllaceae
Sota-famìa: Alsinoideae
Stìrpa: Alsineae
Zèner: Moehringia
Spéce: M. concarenae
Nomm binomial
Moehringia concarenae
F.Fen. & F. Martini, 1992

Moehringia concarenae l'è 'na spéce de piànta erbàcea che fà part de la famìa botànica de le Caryophyllaceae. L'è 'na spéce che crès apéna 'ndèi mucc 'ntra la pruvìncia de Brèsa (Concaréna) e chèla de Bèrghem (Arera, Pis Camì e Bagòsa).

Descrisiù[Modifega | mudìfica 'l sorgènt]

Piànta erbàcea perène, che rìa 'nfìna a 5÷15 ghèi de altèsa del teré, e che furma dei boscaì ladì, co divèrsi gambì che se tìra dré ré a tèra. Le fòie i è mìa pelùze, de fùrma lineàr-lanceolàda, en bris carnùze, de culùr vért e co la puta gösa. La 'nfiurescènsa l'è furmàda de 'n fiùr o du per ogna gambì. I sépali i è piö lónch dei pétali e chèsti i è biànch e bèi destacàcc de giü con l'óter. La fiurés de la fì de zögn ai prim de óst.

Habitat[Modifega | mudìfica 'l sorgènt]

Géra calcarea-dulumìtica, maserécc instàbii, sfrizidüre de le préde calcàree 'ntra i 1800 e i 2200 méter.

Distribüsiù[Modifega | mudìfica 'l sorgènt]

L'è 'na spéce endémica piötòst ràra, che crès apéna 'ndèle Prealpi Bresàne e Bergamàsche. L'areàl el va de la Al Brembàna (Pis Arera) e la Al Camònega (Concaréna). 'Ntra i mucc 'ndoche se pöl troàla gh'è la Prezolàna, el Simù de la Bagòsa, el Pis Camì, i Campèi e la còsta ucidentàla de la Sìma Bachèta (che l'è cunsideràt el locus classicus).