Milizia urbana (Milan)
La milizia urbana a l'éra la forza de polizia in forma de milizia de la città de Milan, fondada in principi del spagnoeu Egidio Albornoz ma deventada offiziala domà in del 1636 sotta del governator Diego Felipe de Guzmán.
Anca i austriegh deciden de confermàlla ma finna al 1796, cont la campagna d'Italia del Napoleon, la resta con pocch miliziott. Domà cont el perigol napoleonigh a l'è riattivada ma, a la fin, la resta 'na forza volontaria e fàda su di milanes che, guidaa del Duca Gian Galeazzo Serbelloni, riessen a guarnà l'orden publegh de la fuga di austriegh al rivà di franzes. L'è poeu reorganizzada in sul modell de la Guardia nazionala e poeu giontada a la Legion Lombarda.
I sò member, ciamaa di milanes ramolazzil o remolazitt, cioè 'na varietaa de rava, gh'han avuu mìnga 'n uniform finna al 1781 quand che 'l Serbelloni l'ha domandaa a l'Imperator el diritt de 'vègh 'na divisa, daa el 17 de magg 1782, e fàda in manera de regordà nò i divis di austriegh: La soa uniform a l'éra fàda de 'na sovravest verda cont collett e guant bianch, 'na camisa e i colzon bianch, spallett d'or, sciarpa e foeuder verd e or.
El verd l'è staa poeu tolt 'me color principàl de la Legion Lombarda, che l'ha daa i color a la prima Bandera italiana tricolor, che l'ha giontaa ai color de Milan, el bianch e 'l ross, el verd.
Bibliografia
[Modifega | modifica 'l sorgent]- Vittorio Fiorini, Le origini del tricolore italiano, in Nuova Antologia di scienze lettere e arti, vol. LXVII, quarta serie, 1897, pp. pp. 239-267 e 676-710.