Micurà de Rü
El Micurà de Rü (todesch: Nikolaus Bacher; San Cassiano, quatter de dicember del 1789 - Innsbruck, 29 de marz del 1845) l'è staa on prevet e lenguista austriegh.
Vita
[Modifega | modifica 'l sorgent]L'è nassuu a San Cassiano, in de la località de Rü, incoeu in del comun de Badia (Val Badia).
De maderlengua ladina, ultem de quatter fioeu, l'ha studiaa teologia e l'è deventaa prevet (ordinaa a Salisburgh) in del 1814. L'è staa capellan militar e educator in d'on colegg a Milan. L'è staa anca letor de lengua italiana a l'università de Innsbruck.
L'è staa el primm autor de ona grammatega del ladin, la Versuch einer deütsch-ladinischen Sprachlehre, scrivuda cont el provà a tegnì insemma i dialett di vari vallad de la Ladinia.
El pussee important istitutt dedicaa a l'istudi e a la tutela del ladin l'è staa fondaa in del 1976 e dedicaa a lu.