Merates
El Merates l'è on territori de la Brianza lecchesa, che 'l gh'ha 'me centro principal el comun de Meraa. El catta dent 26 comun de la provincia. L'è on territori storigh e coltural che 'l gh'ha nissun reconossiment offizial. Ghe viven 111.000 personn, pù de ona quai provincia italiana (per esempi la Provincia de Isernia).
Geografia
[Modifega | modifica 'l sorgent]A nord el gh'è 'l territori lecches ver e proppi, a est el gh'è l'Adda e la Provincia de Bergom, a sud-ovest la Provincia de Monza e Brianza. El se troeuva in la Pianura Padana, anca se se veden i primm collinn. Oltra a l'Adda a gh'è i riaa Curon e Molgora. A Meraa inoltra podom vedè on laghett de origin moreniga, el Lagh de Sartirana. In sù l'Adda passen vari pont, tra i quai el pussee important l'è 'l Pont de Paderno. In del Merates se troeuva ona sezion del Parch Adda Nord e 'l Parch regional de Montaveggia e del Curon.
Comun del Merates
[Modifega | modifica 'l sorgent]Barzagh, Barzanò, Brivi, Calch, Cassagh, Casanoeuv, Cernusch, Cremella, Imbersagh, Irun, Lomagna, Meraa, Massaja, Montaveggia, Montisell, Olgiaa, Osnagh, Paderno, Peregh, Robbiaa, Rovagnaa, Santa Maria, Sirtol, Verdee de Sotta, Verdee de Sora, Viganò.