Massacher del Reoport de Lod

De Wikipedia
Lumbard ucidental Quest articol chì l'è scrivuu in lombard, grafia milanesa.

El Massacher del Reoport de Lod l'è staa on attacch terroristegh faa a Tel Aviv, in del reoport de la zona de Lod, incoeu ciamaa Ben Gurion, el 29 de magg del 1972 da di member de l'Armada Rossa Giapponesa per cunt del Front de Liberazion de la Palestina.

Vist che la sicurezza israeliana l'era preparada a 'n attacch palestines i terrorista giappones han lassaa senza 'na tattega i isreaelian, soratutt grazia a la sò tattega suicida.

I terrorista hinn rivaa in del reoport vestii a l'occidental e cont l'Air France e cont di custodi di viorin che gh'even dent di mitrajett cecoslovacch VZ 58 senza el calz, e donca han scominciaa a sbarà senza ritegn. Han coppaa 26 personn e n'han ferii 78.

Du di terrorista hinn mort, vun per el foeugh di guardij e vun suicida cont una granada, 'n alter inveci l'è restaa ferii ma el s'è salvaa e l'ha ciappaa l'ergastol, ma l'è staa liberaa in del 1985.