Mangià de portà via

Quest articol chì l'è scrivuu in lombard, grafia milanesa.

Pizza de portà via servida a la Casa Bianca

El mangià de portà via a l’è el magià compràa in di ristorant o alter esercizzi pubblich de produzion e vendita, che el cliént l’intenda a consumàll in d’on’altra part, a la ca’ soa oppur ‘me mangià de strada.

Cultur gastronòmich

In di vari paes el ven propòst, despèss, segond i usanz de la cultura gastronòmica local. Inscì gh’hinn i take away(che in lengua inglesa el voeur dì portà via) de hot dog, hamburger e patatìnn in di Stat Unìi, inveci in Italia a gh’hinn i pizzerij de portà via, i local de magià fàa su a tochèj de portà via e, in del cors del temp, anca di locaj de pasta succia de portà via e locaj de cusina di alter paes (Cina, Giappon, Grecia, ecc.).
In Italia, l'attivitàa di ristorant senza el portà el mangià al tàol con la preparazion de mangià de portà via a l’è classificada de l'ISTAT con il còdez statistegh 56.10.20 de la classificazion ATECO 2007.

Servizzi

Piatt de cusina cantonesa servìi ind ona schiscètta de polistirene

Infra i locaj che fànn el servizzi al tàol, ghe n’è quajvun compagn di pizzerij, che offrissen anca mangià de portà via, inveci a l’è pussée rar ch’on ristorant el faga l’istèss. El mangià de porta via a l’è despèss pussée econòmich rispètt a i stèss mangià servìi al tavol.

A ghe n’è ‘na fila de locaj che gh’hànn nò el servizzi al tavol, e nàssen e se specializzen pròppi ind la preparazion e ind el confezionà el mangià de porta de foeura de consumàll dòpo. Tutt'al pù, in quèll tipo chì de locaj, a gh’è la possibilitàa de consumàa el mangià in su si sempliz tavolin o in sul bancon, ma semper cont on servizzi ridòtt al minìmm o anca nagòtt. In on quaj paés, sorattutt in del Nòrd America, quand el mangià de portà via l’è consumàa denter in del local a l’è d’usanza spanduda a lassà on cicìn de bonamàn.

Pizza a domicili a Hong Kong

Molti locaj specializzàa in del cibo de portà via i offrìssen anca el servizzi de consègna al domicili, soratùtt i pizzerji.

El mangià de portà via l’è miss denter de sòlit, in di recipient de carta, carton, plastega oppùr in recipiènt alimentar de in polistirene.