Malögia

De Wikipedia
(Rimandaa da Maloja)
Va a: navegá, truvá
Le cà del centro del paizì

Malögia (isé apò a 'n romàncio; en italià: Maloggia; en Todèsch Maloja) l'è 'na frasiù del cümü de Bargaja, endèl cantù svìser dei Grigioni. L'è colocàda 'nsìma a la Val Bargaja.

'Na ólta l'ìa 'n póst de alpègio culunizàt dei abitàncc de Stampa, al dé d'encö l'è deentàt en sit türìstich atresàt. Le lèngue uficiài i è l'Italià e 'l Todèsch.

El paizì el se tróa 'n corespondènsa del pas alpì che pórta 'l stès nòm, colocàt a 1815 méter sùra 'l leèl del mar. El pas el coléga la Val Bargaja co l'Engadina, cioè Chiavenna con St. Moritz.

I cartèi che sègna i spartiàque

El spartiàque 'ndóche se tróa l'abitàt de Malögia 'l g'ha de particolàr che 'ndèn sèrto pónt — el pas de Lunghin — se önés tré gràncc sistémi flüviài. Chèl del Inn che 'l se sböta 'ndèl Danubio e pò 'ndèl Mar Nero, chèl del Giülia che 'l se sböta 'ndèl Reno e pò 'ndèl Mar del Nord e doca 'ndèl Oceano Atlantich, e chèl de la Mera che la se sböta 'ndèl Pò e pò 'ndèl Mar Adriatich e dóca 'ndèl Mar Mediteràneo.

A Malögia g'ha abitàt endèi öltem agn de vìta el pitùr Giovanni Segantini, el sò còrp l'è amò sotràt endèl cimitéro del paés.