Malga Longa

Quell articol qì l'è scrivud in Lombard, cond l'ortografia Scriver Lombard.

Musee de la resistenza Malga Longa
Sit
Stat	Italia
Località	Sover
Coordinade	45°49′14.74″N 9°58′52.31″E
Carateristeghe
Tipo	Guerra, Resistenza

La Malga Longa l'è un musee sit ind un refuj montan qe al se trova ind i bande de la conca del Farn, a cavall intra la vall Cavallina, la vall Borleza e la vall Gandin, in provinça de Bergem.

Cognossida per i aveniments belleg de la segonda guerra mondial, incœ l'è dovrada come musee de la Resistenza.

Storia

Targa comemorativa

Ol fait qe qesta localitaa la g'havess una bella visual ind sui vai intorn, ma a l'istess temp la fœdess ben protejida, al l'ha faita deventar una bas d'operazion partijana ind la segonda guerra mondial.

L'ha staita la 53ª brigada Garibaldi 13 Marter de Lover, guidada del Giovanni Brasi, a ciapar la zona e a combater contra i todesc e contra la Lejon Tagliament de la republega de Salò.

Ol combatiment a la Malga Longa al g'ha havud lœg ol 17 november 1944, e l'è stait vencid dei forze republegane; i partijan i s'è rendids quand qe i ha fenids i munizion. I partijan ferids (Mario Zeduri "Tormenta" e Ilarion Efanov "Starik") i è staits copads subet, e qei olter portads ind un lœg intra Costa Volpin e Lover. Un tentativ de liberazion in su la via per la vall l'è fallid, e i partijan i è staits condanads a mort e justiziads ol 21 de november: Giorgio Paglia (nom de bataia “tenente Giorgio”), Guido Galimberti ("Barbieri"), Andrea Caslini ("Rocco"), i russ Semion Kopcenko ("Simone") e Alexsander Nogin ("Molotov").

Do dé dop, a Lover, anc i fradei Renato e Florindo Pellegrini (cognossids coi sovernom de “Falce” e “Martello”), ciapads quater dé inants a Coval, i è staits justiziads.

Despos de la fin de la guerra, la Malga Longa l'è staita restorada dei ex partijan, in onor dei compagn morts.