Macrian Maggior

De Wikipedia
(Rimandad de Macrian Magior)
Lumbard ucidental Quest articol chì l'è scrivuu in lombard, grafia milanesa.
Macrian Maggior

El Fulvi Macrian o anca Macrian Magior (Titus Fulvius Macrianus ò Macrianus Maior in Latin; ...-261) l'è staa on offizial roman che 'l s'è rebelaa a l'imperador Gallien.

Biografia[Modifega | modifica 'l sorgent]

Se conossen minga i sò origin ma semm che l'era on eques. L'ha sposaa ona donna che forsi la se ciamava Giunia, de la qual el gh'ha avuu duu bagai, Macrian Minor e Quiee. L'è staa el responsabil de la persecuzion di Cristian in Egitt sotta el regn del Valerian.

El Macrian l'ha seguii l'imperador Valerian in de la soa spedizion contra i Persan, in del 260, cont el titol de procurator arcæ et præpositus annonæ in expeditione Persica, var a dì che 'l controlava i danee de l'esercit. Dopo che però el Valerian l'è staa ciappaa di Persan, el Macrian, con l'aiutt del prefett del pretori Ballista, l'ha faa elegg i sò duu fioeu imperador. Se i provinz orientai e l'Egitt eren con lù, inveci l'Occident l'è restaa cont el ver imperador, el Gallien. El Macrian Maggior e 'l Minor allora hann lassaa in orient Quiee e Ballista e hinn andaa contra el rest de l'Imperi, ma hinn staa batuu de l'Aureol (o mej, del sò general Domizian) tra la Tracia e l'Ilìria e mazzaa di proppi soldaa.

Bibiografia[Modifega | modifica 'l sorgent]

Vos correlaa[Modifega | modifica 'l sorgent]