De Wikipedia
Sata a-a navegassion Sata a-a serchia
Chest artícol a l'è scricc in Lumbàrt Orientàl, ortograféa unificàda Lombard oriental
I rèscc del castèl de Mù

(nòm uficiàl en italià: ) l'è 'na frasiù del cümü de Édol, en Val Camònega, pruvìncia de Brèsa. L'abitàt el se tróa a 717 méter söl leèl del mar, sö la spónda dèstra del fiöm Òi. La part del paés piö arènt al fiöm 'na ólta l'ìa ciamàda Có de Put de Edol. Endel medioévo el fàa cümü de per sò cönt e l'ìa zamò lüminàt endel 1233 endel züramènt de fedeltà al vèscof Guala, ma l'ìa zà lüminàt amò prìma enden docümènt del 1206.[1] A est del paés, se tróa amò i rèscc del castèl, de época medievàla, fat smantelà dei Venesià endel 1432.

A Mù gh'è dò céze:[2]

  • la céza parochiàla de santa Maria nascente, la piéf de Édol-Mù, giöna de le piö antìche de la Al Camònega, restrütüràda endel sècol XVII. Dedét se pöl véder ancona e paliòt de Pietro Ramus, e i afrèsch de Paol de Cailìna (el zùen). El sò campanìl l'è 'l piö alt de la Al Camònega (68 m)[3]
  • Céza dei sancc Ipolito e Casià, lüminàda per la prìma ólta endel 1422.

Riferimèncc[Modifega | mudìfica 'l sorgènt]

  1. Roberto Celli, Repertorio di fonti medievali per la storia della Val Camonica, Brèsa, Tipolitografia Queriniana, 1984, p. 28, ISBN 88-343-0333-4
  2. Eugenio Fontana, Terra di Valle Camonica, Brèsa, Industrie Grafiche Bresciane, 1984, p. 13.
  3. Invallecamonica. URL consultato in data 17 febbraio 2008.