Letizia Moratti
|
Quest articol chì l'è scrivud in lombard, con la Noeuva Ortografia Lombarda |
| Letizia Bricchetto Arnaboldi Moratti | |
|---|---|
 | |
 | |
| Ol durar del mandad | 8 de sginer 2021 – 2 de november 2022 |
| President | Atili Fontana |
| Predecessor | Fabrizio Sala (vizepresidenza) Giulio Gallera (welfare) |
| Sucessor | Fabrizio Sala (vizepresidenza) Guido Bertolaso (welfare) |
 | |
| Ol durar del mandad | 5 de sgiugn 2006 – 1 de sgiugn 2011 |
| Predecessor | Gabriele Albertini |
| Sucessor | Giuliano Pisapia |
| Ministra de l'Istruzzion, de l'Università e de la Ricerca | |
| Ol durar del mandad | 11 de sgiugn 2001 – 17 de masg 2006 |
| President | Silvi Berluscon |
| Predecessor | Tullio De Mauro (istruzzion) Giuliano Amato (università e ricerca) |
| Sucessor | Giuseppe Fioroni (istruzzion) Fabio Mussi (università e ricerca) |
| Informazion jenerale | |
| Partid politeg | Independenta |
| Titol de studi | Laurea in scienze politeghe |
| Universitaa | Università di Studi de Milan |
| Profession | Dirigenta d'impresa |
La Letizia Maria Brichetto Arnaboldi in Moratti (Milan, 26 de november 1949) a l'è una politega e manager italiana, vizepresidenta e assessora al welfare de la Lombardia del 8 de sginer del 2021 al 2 de november 2022.
In precedenza l'è stada sindega de Milan del 2006 al 2011 e ministra de l'istruzzion del 2001 al 2006.
Biografia
[Modifega | modifica 'l sorgent]Fioeula del Paolo Brichetto Arnaboldi, eroe partisan e ciamad "el partisan bianch" per vesser un aristocrategh in la Resistenza, in del 1972 la se laurea in scienze politeghe e la lavora in del setor di sigurazzion e di telecomunicazzion. In del midem period la cognoss el futur marid Gian Marco Moratti. L'è donca cognada del Massimo Moratti, a longh president de l'Inter e de la miee Milly Moratti, politega de center-sinistra.
In tra el 1994 e 'l 1996 l'è nomnada presidenta de la RAI e in tra el 1999 e 'l 2000 la colabora cont el Rupert Murdoch per l'espansion in Europa del so grup.
Del 2019 al 2020 l'è stada presidenta de la UBI Banca.
Carrera politega
[Modifega | modifica 'l sorgent]L'è in Forza Italia del 1994 e in del 2001 l'è nomnada ministra de l'Istruzzion in di governi Berlusconi II e III, roeul in la che l'ha passad la reforma Moratti che l'ha metud ancamò el vot in condota e l'ha anulad la reforma Berlinguer.
In del 2006 l'è candidada sindega a Milan per el center-destra e l'è elegiuda al prim turn contra del Bruno Ferrante e in del 2011 la ghe proeuva ancamò ma l'è batuda del Giuliano Pisapia al ballotagg. La resta in Consili Comunal senza sgiontàss in di grup del Popol de la Libertà perchè la s'era svesinada a Futur e Libertà e in del 2012 la se dimet.
Dopo de 'n longh period de lontananza de la politega a l'è nomnada assessora al Welfare de la Region Lombardia el 8 de sginer 2021, in d'una messedada de sgionta che l'ha vist la Moratti ciapà el post del Giulio Gallera e anca la vizepresidenza, prima in man al Fabrizio Sala.
Dopo de 'n period assee tempestos in la sgionta el se dimet el 2 de november 2022, a dì che 'l gh'era pu el raport de fiducia cont el president Fontana. Al so post al welfare a l'è nomnad el Guido Bertolaso, el torna vizepresident el Sala.
In di elezzion regionai del 2023 la se candida, sostegnuda del Terz Pol e de 'na soa lista civega, la riva terza, dedree al Fontana e al Pierfrancesco Majorino.
Alter proget
[Modifega | modifica 'l sorgent]
Wikiquote el gh'ha dent citazzion de o su Letizia Moratti
Wikimedia Commons el gh'ha dent imagin o alter archivi su Letizia Moratti
