Lengua zimbra
El zimber (nomm local: tzimbar; a Giazza l'è ciamaa anca tauć o taucias gareida) l'è ona lengua germanega parlada in d'ona quai zona del Veneto e del Trentin.
L'è la lengua portada in Italia de rosc de popolazzion bavares rivaa giò in del Medioev, prima in de la zona de Asiago, poeu in de la Lessinia e in de la zona de Folgaria, Lavarone e Luserna.
Al dì d'incoeu però el zimber l'è dree a descomparì per l'influenza del veneto e, soratutt, de l'italian. Se stima che incoeu quei che parla el zimber i sien meno de milla in tutt l'Italia.
A bon cunt, el zimber l'è miss denter a la comunità germanega italiana, recognossuda 'me minoranza lenguistega storega, e donca gh'è on quai tentativ de tegnìll viv.
El nomm
[Modifega | modifica 'l sorgent]El termen tauć l'è ona variant de l'antigh *theodisk, del qual riven anca paroll 'me deutsch (todesch), duits (olandes), dutch (ingles), titsch (walser), tüütsch (svizzer todesch), tysk (danes), tuche (arpitan) e, in fond, anca "todesch".
Paes indè che l'è parlaa storegament el zimber
[Modifega | modifica 'l sorgent]- Asiago: Slege
- Conco: Kunken
- Enego: Genebe
- Foza: Wüsche
- Folgaria: Folgrait
- Gallio: Gèl
- Stoccareddo: Stòkha-Raut
- Lavarone: Lavròu
- Luserna: Lusèrn
- Lusiana: Lusaan
- Roana: Robàan
- Cesuna: Kan Züne
- Treschè Conca: Skada, Kunka
- Rotzo: Rotz
- Selva di Progno: Brunge
- Campofontana: Funtan
- Giazza: Ljetzan
Olter toponem
[Modifega | modifica 'l sorgent]- Badia Calavena: kam'Àbato
- Verona: Bearn
Comparazzion lenguistega
[Modifega | modifica 'l sorgent]| Lombard | Zimber (Luserna) | Walser (Alagna) | Todesch | Ingles |
| bocca | maul | mund | mund | mouth |
| brasc | arm | oru | arm | arm |
| cavei | har | hoor | haar | hear |
| corp | laip, khorp | lijb | leib, körper | body |
| dii | vingar | finger | finger | finger |
| gamba | schinkh | bain | bein | leg |
| genoeugg | khnia | chneww | knie | knee |
| gombed | englpöge | elbougu | ellbogen | elbow |
| man | hånt | hand | hand | hand |
| nas | nas | nosa | nase | nose |
| oeugg | oage | aug | auge | eye |
| oreggia | oar | our | ohr | ear |
| pè | vuaz | fuas | fuss | foot |
| spalla | aksl | aks | schulter | shoulder |
Bibliografia
[Modifega | modifica 'l sorgent]- Adriana Bulgarelli, Dizionario comparato Cimbro-Italiano Italiano-Cimbro/Tauć-Belisch Belisch/Tauć, Curatorium cimbricum veronense, 2007.