Lengua verduriana

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

La lengua verduriana (in verdurian soa Sfahe, la lengua) l'è ona lengua artificial inventada dal Mark Rosenfelder del 1995. L'è ona lengua artistega parlada in la nazion de Verduria, in sul pianeta Almea. L'è la lengua pussee cognossuda del Rosenfelder.

Fonedega e grammadega

El verdurian el gh'ha 8 vocai e 31 consonant. 'Sti son chi pòden vess scrivuu cont el abecee latin o cont on abecee pròppi de la lengua.

El verdurian l'è ona lengua Soggett Verb Oggett, comé 'l lombard, dò gener (mascolin e femminin), dò numer (singolar e plural) e quater cas. Gh'è quater temp, ossia present, futur, passaa e passaa anterior.

L'è fondaa in su 'n poo de lengov, ma el voeur mia reppresentà ona lengua precisa. Ad esempi la struttura l'è tipega de ona lengua indioeuropeja, el lessegh l'è ciappaa da on poo de lengov, comé l'grech, el frances, el russ. Gh'è anca di paroll inventaa, comé "elir" per "vita", e anca di paroll faa per satira politega, comé "fanatism", che 'l se dis "sunmünmún" (Sun Myung Moon) o "terror" che 'l se dis "arhafát" (Yasser Arafat).

Esempi de lengua

	«So cuon er so ailuro eu druki. Cuon ride še slušir misotém ailurei. So ailuro e arašó rizuec.»

In lombard el voeur dì "El can e 'l gatt hinn amis. El can el rid ai scherz del gatt. El gatt l'è proppi divertent".