Lech (fiüm)

De Wikipedia
Sata a-a navegassion Sata a-a serchia
Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


Chela vus chi la parla del fiüm - olter signifegaa i truee chinsci: Lech (desambiguassiun)

El Lech l'è un fiüm lungh 264 chilometer che'l cur de nord a süd e 'l se va a sbat in del Danübi. El nass in del Vorarlberg e 'l cur travers el Tirol e 'l süd de la Baviera induè che 'l sboca per l'apunt in del Danübi. Un cicinin denans passà 'l cunfin che de l'Austria e 'l mena in Germania el tö sü i mass de agua che ghe flüiss dent del riaa Vils, pö 'l passa de sura de la barera idraulega de Füssen e infin el cur travers la Svavia e la Volta Baviera fin che, rivaa a Rain, el cunflüiss in del Danübi. I citaa i pü grand che se spògen al Lech hin Landsberg am Lech e Augsburg.

La barera idraulega arent a Füssen

Etimulugia del Nom[Modifega | mudìfica 'l sorgènt]

Parol sculpii in preja del 8/7 secul inans de Christ ne fan lüm che'l nom del fiüm el gh'ha 'na redis celtega representada de la parola Licates. El fiüm medèm el gnaraa numenaa cunt el nom Likios upür Likias giamò in del segung secul dopu de Christ. Del 570 l'è 'l repert geugrafegh cunt el nom Licca. Pö dürant i agn di migrassiun baiuvar, in del secul quell de vot, tröum nom cumpagn de Lecha e Lech anca se però 'l termen Licus el se druaraa 'ncamò fin al 1059.

El lech a la fin de la sua cursa induè che 'l se sbat in del Danübi