Latin classegh

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
El Ciceron, vun di pussee important autor latin classegh.

El latin classegh l'è la forma de la lengua latina che l'era doperaa in de la Roma antiga e in de la soa letteradura considerada "classega". L'è staa doperaa donca in del period pusse doraa de la letteradura latina, che 'l partiss in del I secol prima de Crist e l'è andaa inanz per on alter para de secoi (per on quaivun anca trii, col rivà al II secol).

Quell che incoeu ciamom "latin classegh" a l'era, in efett, ona forma proppi stilizada de la lengua letteraria, fada su in manera selettiva dopo el latin antigh (del qual gh'è restaa domà ona quai oeuvera).
El latin classegh l'è semper staa, in di secoi inanz, on modell de scrittura per tucc quei che voreven doperà el latin: el sò cult l'è nassuu a partì de l'Umanesim e l'è andaa inanz fina al dì d'incoeu: l'è proppi el latin classegh e la soa letteradura quell che 'l vegna studiaa in di scoeul superior anmò adess.
Al latin classegh gh'è suceduu l'inscì-ciamaa latin tard.
In tra i autor pussee important del latin classegh a troeuvom Ciceron, Giuli Ceser, Salusti, Virgili, Orazzi, Ovidi, Catull, Tito Livi.

Vos corelaa[Mudifega | mudìfica 'l sorgènt]