Lach de Toma

De Wikipedia

Chest artícol a l'è scricc in Lumbàrt, ortograféa orientàl unificàda.


El lach de Toma (en romàncio: Lag da Toma o Lai da Toma; en tudèsch: Tomasee) l'è 'n lach de montàgna sitüàt endel cantù dei Grigioni endela Svìsera centro-orientàla. El se tróa a 2345 méter de altèsa sùra 'l leèl del mar, ai pè del Piz Badus, mìa tat delóns de la citadìna de Tujetsch e del col de l'Oberalp. L'è 'n laghèt de urìgin glaciàla, furmàt ensèma al lach de l'Oberalp ai tép de la glaciasiù de Würm[1].

El lach l'è enserìt endel enventàre federàl dei paezàgi, sicc e monümèncc natürài de 'mportànsa nasiunàla. El sò imisàre l'è el Rein da Tuma, e 'l sò emisàre l'è 'l Reno Anteriur, per chèsta rizù l'è de spès cunsideràt come la sorgènt del Reno.

Se pöl rià al lach de Toma dré a 'n sentér che part del col de l'Oberalp.

Colegamèncc estèrni[Modifega | modifica 'l sorgent]

Riferimèncc[Modifega | modifica 'l sorgent]

  1. Horst Johannes Tümmers, Der Rhein: Ein europäischer Fluß und seine Geschichte, C. H. Beck, Munich, 1999, p. 32