Jut:Come registràss

Quest articol chì l'è scrivud in lombard, con la Noeuva Ortografia Lombarda

Registràss de fà?

A registràss in Wikipedia a l'è minga necessari, ma de tute i manere a l’è consiliad: se poden fà di modifiche ai articol che gh’è sgiamò, opur se poden creà di articoi noeuv anca senza vesser registrad. Ma s’a se voeur interagì pussee con la comunità, l’è mei vesser registrad: oviament la registrazzion l’è a gratis, e la comporta de part vostra nissun impegn.

De fat, te se registraret, te gh'avaret un to cunt sotman e ancasì una serie d' istrument util per lavorà mei in Wikipedia e confrontass coi alter Wikipedista: un to spazzi personal, indoe i informazzion principai sora de ti a inn trade insema de manera che i alter Wikipedista i poden vardai, una pagina de ciciarada, la possibilità de tegnì d'oeugg di articoi e de vesser avisad quand che 'n modifichen un quavun.

Dessorapù, ogni articol che te modificareet o crearet ti intanta che te see coness el sarà salvad come 'na toa contribuzzion: in quella manera chì, te podaret conosser el to ver lavorà adree al svilup di proget Wikimedia. Dopo d’un cert numer de intervent, te ciapareet el dirit de votà per i decision importante, e ancasì te fareet diventà pusseee facil el lavorà per i altr'utent pussee facil: chi che ‘l gh’avarà un dubi sora ‘n’articol che t’hee modificad ti, el podarà domandà di infromazzion diretament a ti.

Come registràss

Per registràss:

• Clica in su Va dent o Crea un cunt in del canton in alt a drizza, e te met dent:
  1. el nom de l'utent catad foeura de tì;
  2. la toa parola d’ordin (te gh'heet de metela dent do volt, per vesser sicur de avela scrivuda giusta) ;
  3. la toa posta eletronica. La posta elettronica la serviss per fa de manera che i alter utent a poden toeu contat con ti (de tut i manere lor, i gh’avarann no la possibilità de conosser el to adress de posta: el programa del Wikizzionari el te mandarà so messagg insc am,bi de lor). La posta eletronica la serviss ancasì de avegh indree la parola d’ordin in del cas che te se la desmenteghess (per quella roba chì a gh'è 'l pulsant Spedissom una parola d’ordin noeuva con la posta eletronica).
• a la fenitiva schiscia el pulsant Crea on cunt noeuv.

Come andà dent

‘Na volta che te seet registrad, te gh’hee de ricordass de autenticass per fa comparì i to modifiche cont el to nom: basta che te veet dent in la pagina de Special:Ven dent e te impienisset i prim do caselle cont el to nom de utent e la toa parola d’ordin, e poet te clichet in su Va dent. Se l'uso di cooki l’è ativad in sul to compiuter, te gh’hee no de autenticass tute i volte, degià che ‘l programa de navigazzion el ten a ment la toa parola d’ordin in del cors di vari session: l'è assee che te clichet in su la casella Tegnomm conligad e fà comparì ‘l segn de vist.

E poeu cosa l’è che ‘l suced?

’Na volta che te seet registrad e coness, in la part de sora del schermo la compara 'na riga con ‘ste vos chì:

• Nom de l'utent - (oviament el nom de la toa utenza): a clicàgh, te andaret diretament a la pagina de la toa utenza;
• i mè discussion: questa chì l’è un’altra pagina personal 'doe i altr'utent i podarann lassatt sgiò di messagg per tì, e ti te podet rispondegh;
• Preferenze: chichinscì te podaret inveci cambià i ’na quai impostazzion, compagn per esempi de la parola d’ordin, la manera de vardà i imagin e i formole de matematica, el fus orari, el sit di pagine, e via inscì;
• Pagine ch’a tegni d’oeugg: quand che te decidet de tegnì d'oeugg una pagina (varda la pagina d'ajut per savenn pussee), te sareet avisad in questa pagina chì se ‘n quaivun l’hà modificad l’articol che ‘l te interessa;
• Contribuzzion: chichinscì gh’è la lista di articoi che ti t’hee cread o modificad;
• Và foeura: el serviss de desautenticass: se te ghe clichet de sora de quell moment là a 'ndà inanz, fin a tant che te andareet minga denter de noeuv te sareet anmò un uten anonim (o ben, i to contribuzzion i comparirann come di contribuzzion de l’adress IP del to compiuter).
  

Dessorapù, in su l’articol o la discussion che te see dree a lensger, de là di solit targhete ("pagina", "discussion", "modifega" e "cronologia" comparirann) a gh'è anca la targheta "sposta", che la te permet de spostà la pagina in esam in un alter adress (prima sicuress che i dagn i sìen no magior di vantagg, e magara presenta el motiv per el qual te penset che la pagina la gh'avarìss de vesser spostada, de manera de podè valutann la necessità) e "Sgionta la pagina a la lista di robe che te tegnet d’oeugg": se te clichet chinscì, l'articol visualizad el vegnarà tirad dent in di "pagine tegnude d’oeugg" e te sareet avisad sora i modifiche aportade in la pagina "Pagine tegnude d’oeugg ". Te podet anca tegnì d’oeugg i articoi che te modifichet ti, domà con l'ativà la casella "Ten d’oeugg quella pagina chì" arenta ai pulsant "Met foeura la pagina" e "Famm vedè prima". Infin , se te voeuret desmeter de stagh adree ‘n cert articol, te gh'hee domà de tornà indree in su l’articol medesim e clicà in su la targheta "Ten pu d’oeugg" che la ciaparà el post de "Ten d’oeugg", opur de modificà diretament in la lista di pagine che te tegnet d’oeugg.