Jura (isola)

De Wikipedia
Lumbard ucidental Quest articol chì l'è scrivuu in lombard, grafia milanesa.
L'unega strada che la traversa l'isola.

Jura (scozzes: Diùra) l'è on'isola di Ebrid de Dent.
La se troeuva in de l'Ocean Atlantegh, minga delonsg de l'isola de Islay e de la costa ucidentala de la Scozzia. L'è granda 368 km², in gran part montagnosa e minga fertil con bona part de la superfis ocupada de torbiere.
Ghe viven domà 170 personn, che viven soratutt in del paesin de Craighouse. In de la località de Barnhill gh'è la cà indove che 'l George Orwell l'ha finii de scriv el sò liber 1984. El sò nomm gaelich l'è "Diùra" (prununciàt [ˈtʲuːɾə]) e 'l riva del nors antigh dýr, che 'l voeur dì "cerv" (varda l'ingles deer, ma anca el todesch Tier, cioè "bestia"). Defatt in su l'isola a gh'è on gran numer de cerv, anca al dì d'incoeu.