Johnny Ramone

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.

Johnny Ramone (Long Island, 8 utubar 1948Los Angeles, 15 setembar 2004) l'è staa un ghitarista american cugnussü par vess sta in dal grüp american dei Ramones. Insema al cantant Joey Ramone, l'è sta dentar in dal grüp fin al 1996, quand hann pianta lì da sunà. L'eva cugnussüü par la sua manera da sunà che la veniva ciamada "The Buzzsaw Style" che l'è stada duperada anca da na sfilza da grüp punk rock e post punk. La sua ghitara püssé famusa l'è la Mosrite Ventures Model II bianca.

Biugrafia[Modifega | modifica 'l sorgent]

L'è nassü a Forest Hills nella contea del Queens, New York City. Quand l'eva un fiö l'ha passa 'na bela vita. Quand l'è vegnü grand l'ha cumengià a frequentà brüta gent e a sbüsass. L'ghè piasuda sübit la musica da quand l'eva piscinin, quand l'ha cugnüssü ul grüp dei The Stooges e l'ha tacà a sunà la ghitara elettrica. Pú sé in là l'ha sunà cont un grüp che 'l sa ciamava The Tangerine Puppets 'ndué l'ha incuntrà ul Dee Dee Ramone e tut i altar di Ramones.

Ul 12 setembar dal 2004 un pù di amis dal Johhny e persun famus dela musiga punk hann fa sö un cuncert par i trent'ann da storia dal grüp, e gann dedicà il cuncert perché avevan capì che l'eva drè a murì. Tri dì dopu, il 15 setembar dal 2004 l'è mort a cà sua a Los Angeles dopu ann cont ul cancher a la prostata. Dopu la sua mort 'l sè fa brüsà e la scendra ga l'ha ammò la Linda Ramone che l'è la sua miee.