Johan Nugent

De Wikipedia
Salta a la navigazzion Và a cercà
Chest artícol a l'è scricc in Lumbàrt Orientàl, ortograféa unificàda Lombard oriental

Johan Nugent (... – Brèsa, 17 de bril del 1849) l'è stat en generàl del ezèrcit austrìaco.

L'è stat giü dei atùr principài dei facc pasàcc a la stóra col nòm de le Dés zornàde de Brèsa, e l'è mórt pròpe per vìa de 'na bröta ferìda al pè dèster che 'l s'ìa procüràt endèna asiù de guèra ligàda a le dés zurnàde e sücidìda a Sànta Fèmia. La ferìda la s'è 'nfetàda e l'è nàda 'n gangréna isé de ubligà i sò dutùr a taiàga vià la gàmba, operasiù che l'è mìa stàda asé, tat che 'l generàl l'è mort ai 17 de bril, 'na vintìna de dé dòpo éser stat ferìt .

A memória de la bùna acogliènsa risiìda en töcc i agn che 'l g'ha servìt el sò ezèrcit en chèsta cità, el Nugent el g'ha lasàt en eredità a Brèsa 'na bèla sóma de palànche. I sò soldàcc e quach famìe bresàne ligàde ai austrìaci, le g'ha fat fà sö 'na làpida endèl cimitéro monümentàl de Brèsa, progetàt de l'architèt Rodolfo Vantini. Sö la làpida gh'è la scrìta "oltre il rogo non vige ira nemica" (en lombàrt: de là del föch, rèsta mìa piö la ràbia nemìca), citasiù de 'na poezìa del Ugo Foscolo. A cüra del cümü, töcc i agn vé portàt sö la làpida 'na curùna e amò 'ncö gh'è persùne che làsa 'n quach fiùr.