Codes sorgent per Jann Galeaz Viscont

{{SL}}
{{Varda che bel}}
[[File:GiovAmbrogiodePredisattribGianGaleazzoVisconti.jpg|miniatura|Ritrait del Jann Galeaz]]
Ol '''Jann Galeaz Viscont''' ([[Pavia]], [[16 10|16 de otover]] [[1351]] - [[Meregnan]], [[03 09|3 de setember]] [[1402]]) l'è stait un member de la [[Visconts|dinastia Viscont]], [[Sior de Milan]] e, despò del [[1395]], prim [[Duca de Milan]].

== Biografia ==
=== Joventuu ===
[[File:Visconti XIV century.svg|miniatura|I domini dei Visconts ind el XIV secol.]]
Fiœl del [[Galeaz II Viscont|Galeaz II]] e de la [[Bianca de Savoia]], ind el 1360 l'ha sposad l'[[Isabella de Valois]], s'cieta del [[Regn de França|re de França]] [[Joann II de França|Joann II]]. La [[dota]] de la sposa l'è staita la Contea de [[Sommières]], pò cambiada con qella de [[Vertus]], de la qual ol Jann Galez al ciaperà ol sovernom de ''Cont de Virtuu''. Ol matrimone l'è miga stait fortunad: tuts i s'cietin mas'c (Jann Galeaz, Azon, Carl) i è morts, e a la fin anca l'istessa mader, ind el partorir l'ultem, l'è spirada; domà l'unega fiœla, la [[Valentina Viscont|Valentina]], l'è restaita col pader.

Intratant ol Jann Galeaz l'ha fait esperienza ind l'art de la guerra e de la [[diplomazia]], grazia ai conflits intra la so fameia e i Savoia. Ind el 1373, aprœv a [[Munticiàr|Monticiar]], l'è stait vencid e ferid dei trupe nemixe. L'ann dop l'ha rapresentad ol so pader ind i tratative cond l'[[Amedee IV de Savoia]], e l'ha firmad la [[pax de Casal]].

=== Ol governar scompartid ===
Ind el [[1375]] ol pader al g'ha dait ol govern dei citaa de [[Novara]], [[Vercei]], [[Lissandria]], [[Tortona]], [[Valenza]] e [[Casal]], cond la facoltaa de far la guerra e la pax cond i Savoia. Ol Galeaz al tegniva per luu [[Pavia]], [[Com]], [[Piaxenza]] e [[Bobi]] cond el titol de ''dominus generalis''. Quand qe l'è mort ind el 1378, l'è començada la lota de poder intra i duu ram de la fameia, qell del Jann Galeaz e del so zio, ol [[Bernabò Viscont|Bernabò]], qe al controllava la part orientala dei domini.

Tuts duu i circava de controllar qell olter: a l'interna, cond una politega matrimoniala intra i ereds (per reunir i duu ram), e a l'esterna cond el circar dei lianze cond dei oltre casade nobei, per rinforzar ol so poder.

Ind el 1378 ol Jann Galeaz l'ha conquistad [[Ast]], e duu agn dop l'è rivad a far-s nominar Vicare Imperial del [[Venceslav de Lussemburg]]; ma ol Bernabò l'era dree a lavorar a un ligam matrimonial cond el [[Luis I d'Anjou]], Cont de Provença.

=== Uneg Sior ===
A la fin ol Jann Galeaz l'ha decidid de liberar-s del so barba: ol 6 de maj del [[1385]] cond una scusa al l'ha atirad for de la [[pusterla de Sant Ambrœs]] e al l'ha fait imprexonar, cond l'aid del [[Iacopo Dal Verme]] e del [[Oton de Mandell]]. Al sarà tegnid ind el [[castell de Trez]] per un qualc mis, per pò vesser velenad. I citaa sota ol so domini i ha saludad ol nœv Sior comè un liberador: ol Bernabò l'hiva stait un sovran dur e spietad; inscambe, ol Jann Galeaz l'hiva sbassad i tasse.

=== Espansion ===
[[File:Ducato di Milano, 1402.svg|miniatura|Ol Ducad a la mort del Jann Galeaz.]]
Paxifegad l'interna dei so domini, g'hiva de vardar-s de l'esterna: i [[Della Scala]], Sior de Verona, i aidava i ereds del Bernabò, donca ol Jann Galeaz al s'è liad con [[Francesc ol Vegg de Carrara]], Sior de [[Padoa]]. Ciapade [[Verona]] e [[Vicenza]] (1387), al s'è metid decorde con [[Republega de Venezia|Venezia]] per spartir-s i domini del so vegg liad: donca l'ha ciapad anca [[Padoa]], [[Feltre]] e [[Bellun]] (1388), a la Serenissima i è indaite [[Trevis]] e [[Ceneda]].

Ind el 1389 l'è mandada in sposa a'l [[Luis I d'Orléans|Luis de Valois]], fradell del re de França, la [[Valentina Viscont]], cond una granda dota e ol dreit de sucession in cas de estinzion del ram masqil.

I so mire i ha fait stremir [[Bologna]] e sovertut [[Republega de Fiorenza|Fiorenza]], qe l'è staita la so nemixa plu granda fina a la so mort. Ind el 1390 la citaa toscana la forma una liga (con denter ol [[Francesc Novell de Carrara]], ol Carl Viscont, fiœl del Bernabò, ol Joann de Armagnac e 'l Steven de Baviera, qe i ha sposad dei s'ciete del Bernabò) qe la porta la guerra in Lombardia; grazie ai vitorie del Viscont in sui nemix ind el 1392 l'è firmada la pax, con la quala i è recognosside tute i conquiste del Jann Galeaz, manc Padoa, qe la s'era revoltada e l'è tornada sota ol Carrara.

Intra ol 1392 e ol 1393 g'è staits dei contats cond la França, per una spedizion comuna contra i fiorenzin; ma i oposizion d'una part de la cort de Paris i ha fermad tut. L'ann dop ol Jann Galeaz l'ha mandad una [[ambassada]] a'l [[Re dei Roman]] Venceslav, per ciamar-g un titol ind la jerarqia feudala per lejitimar ol so poder. I tratative i è indaite inants fina a'l 11 de maj del [[1395]], e ol 5 de setember ol Jann Galeaz l'è stait incoronads in [[Basilega de Sant'Ambrœs|Sant Ambrœs]] comè Duca de Milan. Insé, a'l preze de {{formatnum:100000}} fiorin, l'hiva ciapad un titol qe al le metiva sora ai olter nobei locai, dinasteg e asquas impossibel de tirar vià. Ol 13 otover del [[1396]] l'è rivad anca un olter diploma, qe al slargava ol poder ducal a tuts i domini viscontee (el prim l'era domà in su la citaa de Milan e ol so [[contad]]), al fissava un sistema de sucession basad in sul prim fiœl mas'c, a'l qual l'indava la Contea de Pavia, creada ''ad hoc''. L'ann dop anca [[Angiera]] l'è staita levada a Contea, in omaj a la lejenda segond la quala i Visconts i vegniva de l'[[Anglo]], s'ciet de l'[[Enea]], qe l'havress fondad la citaa.

L'è fals inscambe ol diploma de nomina a ''Dux Lombardiæ'', ma l'è una prova dei ambizion del Viscont e de la cort pavesa.

Bandonad ol projet de aidar ol Venceslav a otegnir la corona imperiala cond una spedizion comuna in Italia (in cambe del so aiœt a ciapar Fiorenza), ind el 1396 l'è staita tacada [[Mantoa]], qe la s'era tirada vià de l'influenza viscontea. Ma l'intervegnir de Fiorenza, Venezia e Savoia insema l'ha portad a un tregua de dex agn con la citaa (1398). Ol Jann Galeaz al vuliva far-la finida con Fiorenza, donca al s'è inviad a preparar una smorsa de la quala l'havress pudid miga tirar-s vià: ciapada la [[Lunijana]], ind el 1399 l'ha comprad del [[Gerard Leonard Appiani]] la citaa de [[Pisa]] e l'ha ciapad la dedizion de [[Siena]], storega nemixa de Fiorenza; l'ann dop, cond un colp de man, l'ha ciapad Perugia, e despò i oltre citaa minor de l'Umbria i s'è daite deperlore. Domà [[Lucca]] l'era restaita libera, ma sota una granda influenza del Viscont.

Per circar de salvar-s, i fiorenzin i s'è impegnads cond un grand pagament a'l nœv [[Re de Jermania]], ol [[Robert de Baviera]] (qe l'hiva roversad ol Venceslav) perqè al faxess una spedizion contra Milan. Ma una vitoria picinina dei trupe lombarde arent a Bressa (1401) l'è staita assee per far tornar indree ol sovran. Despò la borlava anca Bologna (1402), e la smorsa intorn a la republega toscana l'era insé completada.

=== La mort e la sucession ===
[[File:Giangaleazzo Visconti.jpg|thumb|Detai del dipint "Jann Galeaz al dona la Certosa a la Madona"]]
La mort improvisa del Duca (fors de [[malaria]] o [[pesta]]) ind el [[castell de Meregnan]] (1402) l'ha portad a la fin del so disegn. La joven etaa del so prim ered (ol [[Jovann Maria Viscont]], 13 agn), la so decision de spartir ol govern intra i so s'ciets e l'ambizion dei so comandants, i ha portad a dei agn de lote intra i fazion, e de perdida de terre per ol Ducad.

== Titoi ==
Ol Jann Galeaz l'era [[Ducad de Milan|Duca de Milan]], olter qe Sior de [[Milan]], [[Verona]], [[Crema]], [[Cremona]], [[Bergem]], [[Bologna]], [[Bressa]], [[Bellun]], [[Pieve di Cadore|Pieve]], [[Feltre]], [[Pavia]], [[Novara]], [[Com]], [[Lod]],  [[Vercei]], [[Alba (CN)|Alba]], [[Ast]], [[Pontremoli]], [[Tortona]], [[Lissandria]], [[Valenza]], [[Piaxenza]], [[Bobi]], [[Parma]], [[Rej Emilia|Rej]], [[Vicenza]], [[Perugia]], [[Vigevano]], [[Fidenza|Borg San Donen]] e dei [[Vall del Boite|vai del Boite]].

== Stema ==
{| class="wikitable" <!--width="40%"-->
! width="110" | Imajen
! Stema
|- valign=top
| align=center |
<div style="display:table; position:relative; margin:auto; {{#ifeq:left | center |  | float:left; }}">[[File:Orn ext Duke.svg|200px]]<div style="position:absolute;border:none;
left:50px; top:85px;
"><div style="position:absolute;top:0px;left:0px;
">[[File:Coat of arms of the House of Visconti (1395).svg|100px]]</div></div>
</div>
|<center>'''Jann Galeaz Viscont'''<br />Duca de Milan</center>
|}

== Matrimone e s'ciets ==
* Prim matrimone con l'[[Isabella de Valois]] ([[Castell de Vincennes]], 1 otover [[1348]] - [[Pavia]], 11 setember [[1372]])
** Jann Galeaz ([[Pavia]], 4 marz [[1366]] - [[1376]])
** [[Valentina Viscont|Valentina]] ([[Pavia]] 1371 - [[Castell de Blois]] 4 dicembre [[1408]], l'ha sposad ind el [[1389]] ol [[Luis I d'Orléans|Luis de Valois]], duca d'Orléans)
** Azon, ([[Pavia]] 1368-1381)
** Carl, ([[Pavia]] 11 settembre 1373-1374)
* Segond matrimone (2 otover 1380) cond la [[Caterina Viscont]] (1360 - 17 otover [[1404]])
** [[Joann Maria Viscont|Joann Maria]] (7 setember 1388 - 16 maj [[1412]]) Duca de Milan.
** [[Filip Maria Viscont|Filip Maria]] (Milan 23 setember [[1392]] - 13 agost [[1447]]) Duca de Milan.
** Una fiœla (1385-1385)
* El g'ha havud anca un s'ciet natural e lejitimad d'una relazion cond l'Agnes Mantegazza
** [[Gabriel Maria Viscont|Gabriel Maria]], (1385 - 15 dicembre [[1407]]) Sior de [[Pisa]] e de [[Crema]].
* E un olter s'ciet natural, l'[[Antoni Viscont]], (nassid intra ol 1389 e ol 1391)

== Riferiments ==
* {{it}} {{cita web|url=http://www.treccani.it/enciclopedia/gian-galeazzo-visconti-duca-di-milano_%28Dizionario-Biografico%29/|titolo=GIAN GALEAZZO Visconti, duca di Milano|sito=Dizionario biografico, Treccani}}

[[Categoria:Duca de Milan]]
[[Categoria:Viscont]]
[[Categoria:Sciori de Milan|Gian Galeazz]]
[[Categoria:Nassud in del 1351]]
[[Categoria:Mort in del 1402]]