Italo Briano
L'Italo Briano (Savona, 7 de sginee 1901 - Milan, 2 de dicember 1985) a l'è staa 'n editor, ferroviee e divulgator italian, assee cognossuu per avè favorii el ferromodellism in del Pajes.
Biografia
[Modifega | modifica 'l sorgent]Fioeu de 'n macchinista di Ferrovij del Stat italian, l'è ciappaa dent in del 1917, el lavora in del compart tecnegh prima e 'me capostazion dòpo.
El se laurea in economia e commercc e 'l va in pension circa in del 1943 e 'l fonda la Briano editor a Genoa, che l'ha publegaa finna ai agn '70 manuai e sched tecnegh.
Per promoeuv el ferromodellism l'ha giontaa insemma, sotta el nòmm Modelprodotti, vari aziend de ferromodellism per vend in manera pussee efficienta e cont el nòmm Modelcarta l'ha venduu di modej economegh stampaa in su la carta che se podeven montà. L'è staa anca pionier de la scala TT in Italia.
L'ha fondaa e l'è staa president per cinch agn de la Federazione italiana modellisti ferroviari e amici della ferrovia e de la federazion europea MOROP. L'ha fondaa anca la rivista Italmodel ferrovie.
El sò fioeu Renato l'è staa mazzaa in del 1980 di Brigad ross.
Bibliografia
[Modifega | modifica 'l sorgent]- Italo Briano, Storia delle ferrovie in Italia, Milano, Cavallotti, 1977, 3 volumi (volume 1: Le vicende; volume 2: La tecnica 1; volume 3: La tecnica 2).