Istitut Clinegh Scientifegh Maugeri

De Wikipedia
Salta a la navigazzion Và a cercà
Lumbard ucidental Quest articol chì l'è scrivuu in lombard, grafia milanesa.

I Istitut Clinegh Scientifegh Maugeri a hinn di istitut clinegh che operen in Italia e con sed centrala a Pavia, in pee del 1965.

Storia[Modifega | modifica 'l sorgent]

Hinn staa fondaa in del 1965 del Salvatore Maugeri 'me clinega del lavorà e recognossuu 'me IRCCS in del 1969. In del 1972 el derva 'na sed a Vrun e in del 1974 a Monscan e in del 1978 on center de igien de l'ambient a Bari.

In di agn che vegnen la se slarga anca in Veneto, in provincia de Bressa e a Benevento: in del 1982 el derva on center a Milan, in via Clefi, dedicaa a la prevenzion.

In del 1990 l'è attivaa l'IRCCS Castell Goffred e in del 1995 la fondazion la cambia offizialment nomm in memoria del fondator Salvatore Maugeri. In del 2004 el derva 'n unità in l'ospedaa de Sciacca. In del 2009 tutt i sò center a hinn recognossuu 'me IRCCS per la medesinna del lavorà e la riabilitazion e in del 2013 la ciappa dent la Fondazion Europea Reablitazion e Sport.

In del 2012 l'è al center de on scandol e cinch personn a hinn menaa via per avègh robaa 56 milion de Euro e in del 2014 el scomincia on process che 'l gh'ha anca in tra i imputaa l'ex president de la Lombardia Roberto Formigoni che 'l saria staa corott cont di vacanz e cont di alter benefici in cambi de dàgh di danee pussee de quej che gh'even el dirizz e a la fin l'è staa condanaa.

In del 2016 i attività sanitari passen de la fondazion a 'n azienda in forma de Società Benefit, de che la fondazion la resta azionista.

Riferiment[Modifega | modifica 'l sorgent]

Ligamm de foeura[Modifega | modifica 'l sorgent]

Vos corelaa[Modifega | modifica 'l sorgent]