Codes sorgent per Israell

{{NOLMIL}}
{{Stat
|nomIntreg = Stat de Israell
}}
'''Israell''' ('''מדינת ישראל'''/'''Yisra'el''' in [[ebraich]]; '''دولة اسرائيل'''/'''Isrā'īl''' in [[arab]]) a l'è un paes de l'[[Asia]] fondad in del 1948 per vesser el Pajes di [[sgiudee]], segond d'un pian de partizzion catad foeura di [[Nazzion Unide]], che però l'è mai entrad in vigor a causa del [[conflit arab-israelian]], che hann menad a 'n conflit in tra Israell e la [[Palestina]], sanad in part in del 1993 con l'[[Acord de Oslo]], che però hann dad no l'independenza al [[Stat de Palestina]] ma domà un cert [[autogoverno]], menter el Pajes el s'è retirad del tut de la [[Striscia de Gaza]], che al dì d'incoeu l'è governada de [[Hamas]] e minga de l'[[Autorità Nazzionala Palestinesa]].

Oltra a la Palestina, Israell el gh'ha di alter controversie territoriai: la soa capital, [[Gerusalem]], a l'è recognossuda no de la pupart de la comunità internazzionala, che la gh'ha i so [[imbasciada|imbasciade]] a [[Tel Aviv]], i [[Alture del Golan]] - che inn recognossude squasi de tucc 'me part de la [[Siria]] - e i [[fatorie de Shebʿā]], che partegnen probabilment al [[Liban]].

A l'è l'unegh pajes a magioranza sgiudea in del mond, con squasi el 80% de la popolazzion de quella fed chi, cont una gran minoranza araba del 20%, per la pupart musulmana.

== Storia ==
Israell el nass del [[sionismo]], l'ideja per la che i sgiudee gh'hann de havégh un so Pajes e donca hann tacad a crompà la terra in del [[Mandad de la Palestina]], terra che hann poeu desvilupad e doperad per l'agricoltura. Cont el svesinàss de la fin del mandad britannegh i [[Nazzion Unide]] hann fad un pian de division de la zona in tra un Stat arab e vun sgiudee e donca in del 1948 Israell l'ha [[deciarazzion de independenza de Israell|deciarad l'independenza]] e l'è stad poch dopo [[guerra arab-israeliana del 1948|tacad de la pupart di Pajes arab]] in d'una guerra che l'ha vensgiud e che l'ha vist otegnì una mota de territori che per i Nazzion Unide la gh'haveva de vesser araba, menter la [[Cis'giordania]] l'è passada a la [[Trans'giordania]], che inscì la s'è ciamada domà [[Giordania]], e la [[Striscia de Gaza]] l'è passada a l'[[Egit]]. Per i arab a l'è stada la ''[[Nakba]]'', cioè el disaster, e pussee de 700'000 arab gh'hann havud de sortì de la zona, sostituid per la puart de profugh sgiudee scapad di Pajes arab.

In del 1967 la scomincia la [[guerra di ses dì]] che la ved un alter disaster per i arab, che perden el [[Sinai]], la Striscia de Gaza, la Cis'giordania e i [[Alture del Golan]], seguida de la [[guerra del Kippur]] in del 1973, che la permet a l'Egit de tegnì in sigurezza el [[canal de Suez]] ma a Israell de ciapàss un poo de territori in del rest de l'Egit, che l'è stada la darrera guerra verta in tra Israell e i arab.

L'Egit, poeu, l'ha fad la pas con Israell e 'l Sinai l'è tornad sota el so controll, seguid poch dopo de la [[Giordania]]. A l'è restada però verta la question in tra Israell e la Palestina, che l'è stada in part sanada cont i [[Acord de Oslo]] che hann dad de l'autogoverno al territori, che però incoeu l'è minga independent. In del 2005 Israell l'ha mollad la Striscia de Gaza che del 2007 a l'è governada de [[Hamas]].

== Economia ==
L'economia israeliana a l'è stada a longh assee socialistega, cont un volt controll del Stat in l'economia, la roba l'è cambiada in di agn '80 e incoeu a l'è un Pajes assee scior e cà de tancc de [[start up]], soratut in del camp de la [[tecnologia]] e militar. I imprese inn de solet partide in tra quei pussee grand e internazzionai e in tra quei pussee piscinine e l'è no spantegada la media impresa e anca l'agricoltura, grazzia a di bei impiant che demineralizen l'aqua, a l'è assee spantegada.

L'energia del Pajes la vegn soratut del petroeuli crompad de l'[[Egit]] e de l'energia solar, desgià che i resorse minerari inn squasi inesistent. El [[sistema sanitari israelian|sistema sanitari]] a l'è un [[Sistema Bismarck|Bismarck]] atipegh, fondad in su di casse malad che gestissen anca ospedal e clineghe.

== Politega ==
=== Sistema politegh ===
Israell a l'è una [[republega]] [[democratega]] [[stat unitari|unitaria]] e [[republega parlamentara|parlamentara]]: el [[Parlament]], [[monocameralismo|monocameral]], a l'è la [[Knesset]]. A l'è partid in [[Distret de Israell|Distret]] che inn, a soa volta, partid in Municipalità. El carater del Stat a l'è definid 'me [[Stat democrategh e sgiudee|democrategh e sgiudee]], in del sens che l'è sia el stat de tucc i sgiudee, ma anca de tucc quei che ghe viven, che sien sgiudee o manch.

El Pajes el controlla anca la pupart de la sigurezza de la [[Cis'giordania]], che l'è per el rest sota el controll civil de l'Autorità Nazzionala Palestinesa, menter el s'è retirad unilateralment de la Striscia de Gaza, che 'l considera territori independent in guerra con luu.

=== Defesa e sigurezza ===
La defesa de Israell a l'è garantida di [[Forze de Defesa de Israell]], partide in [[Zro'a Ha-Yabasha|Armada]], [[Heil HaYam HaYisraeli|Marina]] e [[Heyl Ha'Avir|Aeronautega]], oltra a l'[[Aman (IDF)|Aman]] - el [[servizzi secret]] militar - e la [[Magen David Adom]], cioè l'equivalent de la [[Cros Rossa]].

La sigurezza a l'è garantida de la [[Polizzia Israeliana]] e del [[Mossad]], servizzi secret estero, e del [[Shin Bet]], servizzi secret interno.

== Riferiment ==
*[https://www.treccani.it/enciclopedia/israele/ Treccani]

== Alter proget ==
{{Interproget}}

{{Stat de l'Asia}}
{{Lista1000}}
[[Categuria:Israell| ]]