Isepp Carpan
L'Isepp Carpan (italian: Giuseppe Carpani; la Villa, 29 de dicember del 1751 - Vienna, 22 de genar del 1825) l'è staa on librettista e scrittor lombard.
L'ha studiaa diritt a Pavia, come che 'l voreva el sò pader: ma finii i studi, dopo 'n quai ann de pratega a Milan, l'ha preferii dedicàss a la soa passion per l'art, e l'ha scrivuu on bell mugg de comedi e de librett.
In del 1780 el scriv 'na serie de ses sonett in su la mort de la Maria Teresa d'Austria.
In del 1796, quand che i frances hann ocupaa Milan, el Carpan l'è andaa a viv a Vienna, e lì l'ha seguttaa la soa carriera. In del 1797 l'è andaa a fà el censor e 'l direttor del teater de Venezzia
Di problema de salud l'hann constringiuu a Vienna, indè che l'ha vivuu fina a la soa mort (avegnuda per caus naturai, in del Palazz del Liechtenstein). L'ha vivuu in de la capital austriega cont el favor de l'imperador. L'ha voltaa in italian on bell poo de oeuver in todesch e in frances. L'ha scrivuu di poemett in onor de Haydn e de Rossini.