Irigazion per sbroffadura
L’irigazión per sbroffadùra (o irigazión a pioeuva) l’è la fornidùra de acqua al terren per mèzz di fornidór ciamàa irigator di quàj el ven foeura on gètt che ‘l gh’hà i caratteristich d’ona pioeuva artificiàl. [1]
El schema adrée al quàl i irigatór vegnen miss el dipend di caratterisctih di irigatór medésim (buttada e diagramma de la pioeuva), di piant che vegnen coltivàd, di lavorà fàa in sul terrén, del clima. I schema de la disposizión di irigator pussée comùn hinn quèj a quadraa, a rettangol e a triangol. [2]
Tipi de impiant
[Modifega | modifica 'l sorgent]Gh’hinn i impiànt fiss, quèj permanént e quèj movìbil. I impiant fiss hinn quèj che i sò tubi hinn fiss in del cors de tutta la soa vita e ciaschedun di irigatór el bagna semper l’istèssa zòna de terrén. Tipicament l’impiànt fiss l’è miss sòtt tèrra e de foeura se veden domà i irigatór. I impiant permanént hinn quèj rèsten in de l'istèss pòst domà ind del cors de la stagión de l'irigazión. I impiant movibil hinn inveci fàa su de ona red fissa o movìbil de tubi principàj e poeu de àl movibil che gh’hànn ciaschedun vun o 'na fila de irigatór. I al poeu poden vèss a movimént periòdich (e vegnen spostaà a man o con l’ajutt de mèzz meccànich) oppùr a movimént contìnuv (che ‘l sò moviment l’è automatich e fà grazi a di màcchin adàtt). [3]
Vos correlad
[Modifega | modifica 'l sorgent]Riferiment
[Modifega | modifica 'l sorgent]- ↑ Antonina Capra (2007). Progettazione e gestione degli impianti di irrigazione (in italian). Edagricole, 1. ISBN 978-88-506-5215-0.
- ↑ Antonina Capra (2007). Progettazione e gestione degli impianti di irrigazione (in italian). Edagricole, 4-5. ISBN 978-88-506-5215-0.
- ↑ Antonina Capra (2007). Progettazione e gestione degli impianti di irrigazione (in italian). Edagricole, 5-8. ISBN 978-88-506-5215-0.