Incendi de Notre Dame a Paris del 2019

De Wikipedia
Lumbard ucidental Quest articol chì l'è scrivuu in lombard, grafia milanesa.
La Cattedral incendiada

L'incendi de Notre Dame a Paris del 2019 l'è staa on incendi succeduu el 15 de april del 2019 a Cattedral de Notre Dame, che l'ha menaa i guli e la pupart del tecc de la famosa cattedral a borlà giò. Hinn staa ferii anca trii in tra i polee e i pomper.

Antefatt[Modifega | modifica 'l sorgent]

La Cattedrala, fada su in del secol quell del 12, la gh'ha avuu de besogn de 'na restrutturazion per di dagn, dovuu probabilment a l'inquinament, e i lavorà hinn scominciaa in l'estad del 2018.

Event[Modifega | modifica 'l sorgent]

Ai 18:20 ora local gh'è 'n allarm che l'ha menaa el personal a evacuà la gesa, ma finna ai 18:43 a l'è minga descovert el foeugh. Ai 19:45, in diretta cont i media de la pupart del mond, la borla la flèche.

Hinn staa doperaa pussee de 400 pomper ch'han smorzaa la pupart del foeugh dent di 23:30 e i daree frogaa ai 3:30 del 16 de april. Pensaven, al principi, de doperà di mezz de lotta aerea anti-incendi ma poeu han renonziaa per el ris'c de fà di dagn pussee gramm a la struttura.

Reazion[Modifega | modifica 'l sorgent]

El president Emmanuel Macron l'ha sospenduu on dibattit publich in su la question di Gilet Giald e l'ha faa 'n descor a la nazion per promettègh de refàlla su in cinch agn.

La pupart di leader de l'Europa l'ha nonziaa el sò despiesee per el foeugh. On poo de entità, publegh e privaaa, han daa el sò support, economich e de personal, per la recostruzion e hinn rivaa a 'n miliard de Euro in circa on dì.

Riferiment[Modifega | modifica 'l sorgent]