Il ragazzo della via Gluck ('l album)

Chèst artìcol a l'è scricc in Lombàrd, ortograféa bergamasca del Dücàt.

Il ragazzo della via Gluck l’è ün album de cansù del Adriano Celentano püblicàt ‘n del Noèmber del 1966 che l’ ciapa ‘l nòm dal sìngol Il ragazzo della via Gluck egnìt fò ‘n del Fevrér de l’istès an.

Töte i cansù de chèsto album i éra şamò stace püblicade prima o con di 45 gir o in di óter album egnìcc fò prima, fò che Il mio amico James Bond che l’è l’ünica cansù nöa.

Sö la coertina gh’è sö ‘l Celentano de schéna che l’ camina con ü sò amìs e l’è la stèsa coertina che l’éra dovràt pò per ol 45 Gir egnìt fò prima.

I arangiamèncc i è töcc del Detto Mariano.

In del 2005 l’è stai stampàt ol cd de chèst album e come bonus track gh’è dét ol Celentano che l’ canta Nessuno mi può giudicare, ‘l tòch che l’ gh’éra de portà al Festival di Sanremo del 1966 e che l'à metìt de banda pròpe per cantà Il ragazzo della via Gluck, desà che l' ghe tegnìa tat a chèla cansù lé.

Nessuno mi può giudicare ‘nvéce a la fì l’è stai cantàt da la Caterina Caselli e pò a chèl l'è dientàt gran sucèso.

Töte i cansù

LATO A

1. Il ragazzo della via Gluck (paròle de Luciano Beretta e de Miki Del Prete; musèga de Adriano Celentano) 4' 17"
2. È inutile davvero ( paròle de Mogol e de Miki Del Prete; muşèga de Gino Santercole) 3' 32"
3. Ciao ragazzi ( paròle de Mogol e de Miki Del Prete; muşèga de Adriano Celentano) 2' 34"
4. E voi ballate ( paròle de Nisa e de Miki Del Prete; muşèga de Nello Ciangherotti) 2' 57"
5. Chi ce l'ha con me ( paròle de Mogol e de Miki Del Prete; muşèga de Natale Massara) 3' 19"
6. Non mi dir ( paròle de Miki Del Prete e de Claudio Adorni; muşèga de Alex Alstone e de George Tabet) 2' 13"
7. Uno strano tipo ( paròle de Mogol e de Miki Del Prete; muşèga de Don Backy e de Adriano Celentano) 2' 05"

LATO B

1. Il mio amico James Bond ( paròle de Mogol e de Miki Del Prete; muşèga de Barry e Black) 2' 10"
2. La festa ( paròle de Luciano Beretta e de Miki Del Prete; muşèga de Natale Massara) 3' 42"
3. Chi era lui ( paròle de Mogol e de Miki Del Prete; muşèga de Paolo Conte) 2' 49"
4. Sono un simpatico ( paròle de Luciano Beretta, de Rosario Leva e de Don Backy; muşèga de Gianfranco Reverberi) 2' 43"
5. Il problema più importante (If you Gotta Make a Fool of Somebody) ( paròle de Luciano Beretta e de Miki Del Prete; muşèga de Rudy Clark) 2' 32"
6. Due tipi come noi ( paròle de Luciano Beretta e de Miki Del Prete; muşèga de Gino Santercole) 2' 08"
7. Ringo ( paròle de Castellano e de Pipolo; muşèga de Don Robertson e Hal Blair) 3' 07"