IP over Avian Carriers

De Wikipedia
Sata a-a navegassion Sata a-a serchia
Lumbard ucidental Quest articol chì l'è scrivuu in lombard, grafia milanesa.
On pivion, bon de trasportà pacchett IP

In di red di computer l'IP over Avian Carriers a l'è 'na proposta de tecnologia per portà del traffich Internet Protocol cont di pivion viaggiator. La prima parpoeusta in tal sens a l'è del 1 de april 1990, fada 'me pess d'april, la RFC 1149, de la Internet Engineering Task Force. In del 1999 la RFC 2549 la mett la Quality of Service in del servizzi e in del 2011 la RFC 6214 la adatta el sistema a IPv6.

Implementazion reala[Modifega | mudìfica 'l sorgènt]

In del 2001 el Linux User Group de Bergen l'ha spedii noeuv pacchett IP a circa cinch chilòmeter de distanza, ognun con dent ona ICMP Echo Request e hinn rivaa quatter rispost.

Script started on Sat Apr 28 11:24:09 2001
$ /sbin/ifconfig tun0
tun0      Link encap:Point-to-Point Protocol
          inet addr:10.0.3.2  P-t-P:10.0.3.1  Mask:255.255.255.255
          UP POINTOPOINT RUNNING NOARP MULTICAST  MTU:150  Metric:1
          RX packets:1 errors:0 dropped:0 overruns:0 frame:0
          TX packets:2 errors:0 dropped:0 overruns:0 carrier:0
          collisions:0
          RX bytes:88 (88.0 b)  TX bytes:168 (168.0 b)

$ ping -c 9 -i 900 10.0.3.1
PING 10.0.3.1 (10.0.3.1): 56 data bytes
64 bytes from 10.0.3.1: icmp_seq=0 ttl=255 time=6165731.1 ms
64 bytes from 10.0.3.1: icmp_seq=4 ttl=255 time=3211900.8 ms
64 bytes from 10.0.3.1: icmp_seq=2 ttl=255 time=5124922.8 ms
64 bytes from 10.0.3.1: icmp_seq=1 ttl=255 time=6388671.9 ms

--- 10.0.3.1 ping statistics ---
9 packets transmitted, 4 packets received, 55% packet loss
round-trip min/avg/max = 3211900.8/5222806.6/6388671.9 ms


Script done on Sat Apr 28 14:14:28 2001

Alter esempi de strapòrt informategh con pivion[Modifega | mudìfica 'l sorgènt]

A bon cunt la possibilità de attaccà 'na memoria a 'n pivion viaggiator a l'è stada interessanta per el strapòrt di gran quantità di dacc che cont i connession classich ghe metten tropp temp. I esperiment pussee famos a hinn staa faa in Sud Africa e Australia.

Esperiment sudafrican[Modifega | mudìfica 'l sorgènt]

El 9 de settember 2009 i impiegaa de 'na compagnia sudafricana han deciduu de spedì quatter gigabyte de material via pivion e via ADSL Telkom SA in circa 60 km/h.

El pivion l'ha portaa el dacc in 2 or, 6 megnuu e 57 segond, intant che l'ADSL a l'era al 4%.

Esperiment australian[Modifega | mudìfica 'l sorgènt]

In del november 2009 on show televisiv australian l'ha faa 'na proeuva del gener del gener dòpo che al Parlament el gh'è staa on dibatitt in materia di telecomunicazion e in su 'na distanza de 132 km el pivion l'ha portaa 700 MB in 1 ora e 5 menguu, 'na macchina cont ona ciavetta USB in 2 or e 10 megnuu e l'ADSL l'era borlada in del trasferiment.

Varda anca[Modifega | mudìfica 'l sorgènt]