ILOVEYOU

De Wikipedia
Lumbard ucidental Quest articol chì l'è scrivuu in lombard, grafia milanesa.
On messagg con denter el worm

El ILOVEYOU (cognossuu anca 'me Love Letter) l'è staa on worm per el computer sortii foeura in l'ann 2000. In on quaj dì a l'è staa bon de taccà des milion de computer Windows.

Descrizion[Modifega | modifica 'l sorgent]

El worm el se spantegava via posta eletronica, in d'ona mail cont oggett ILOVEYOU e on file "VBS" taccaa con denter el worm. L'impostazion standard del Windows la fa vedè no l'estension del file, che donca a l'è vist 'me LOVE-LETTER-FOR-YOU.TXT, e donca el podeva vess ciappaa per 'na lettera d'amor in formaa testoal.

I sò effett i eren:

  • Spantegament via mail a tucc i contatt
  • Sostituzion de tucc i file *.JPG, *.JPEG, *.VBS, *.VBE, *.JS, *.JSE, *.CSS, *.WSH, *.SCT, *.DOC *.HTA cont ona copia del malware.
  • I file de musega (MP2, MP3) eren sconduu e sostituii de 'na copia del worm.
  • Descaregament de on keylogger.

Tecnega de infezion[Modifega | modifica 'l sorgent]

El malware el doperava di magagn in del Windows, e soratutt l'ingegneria social, vist che per eseguì el payload l'era necessari l'intervent de l'utent.

Dagn[Modifega | modifica 'l sorgent]

El worm l'ha faa pussee de cinch minard de dollar de dagn. El Parlament ingles e anca la CIA hinn staa taccaa dal worm.

El so inventor, el filippin Onel de Guzman, l'è staa mia condannaa e l'è deventaa assee important in di Filipinn.