Guttiau

Chest artícol a l'è scricc in Lumbàrt, ortograféa orientàl unificàda.

Ol Guttiau l'è ü di pà che se prepàra e s'màngia 'n Sardégna. Ol pà guttiau a 'l sömèa al pà carazàu, de fati l'è öna manéra particolàr de paregià 'l carazàu; ol guttiau, pròpe cóme ol carazàu, l'è facc con farìna de formét dür, aqua, leàt e l'è crocànt e sura de töt sutìl sutìl, che piö che pà 'l sömèa öna rösca, ü fòi de càrta, ol guttiau però 'mpiö l'è ach condìt con góte de öle de ölìa, sal e pò 'l vé scotàt apéna apéna 'n fùren e 'l pöl ach ès ìmpö 'nsavrìt con d'öna quach fòia de osmanì.

Chèsto pà 'l ciàpa 'l sò nòm, guttiau, pròpe dal fàto che per preparàl gh'è de lasàga trecà sùra di góte de öle, de fati guttiau 'n Sardegnöl 'l völ dì sgotàt.