Bicocca (arnes)
(Rimandad de Guindol)
Ona bicocca o bicocchin (olter nomm: vindol/vindel, bicoccola, baderla, guindola, ghindol, guinden, (s)tornell) l'è on arnes che 'l serviss a fà giò i asc. L'è compagna de l'aspa, ma el fa el mestee invers.
In de la version pussee spantegada, la bicocca l'è fada su cont on alber con scià on girell, indè che ghe gira intorna l'ascia che se gh'ha de fà giò. L'alber el gh'ha ona bas pussee greva o 'n morsett, che tegnen fermo tutt el rest del machinari intant che 'l va.
Nomm e variant
[Modifega | modifica 'l sorgent]- Bicocca e i sò variant hinn tipegh del lombard ocidental (milanes), del bass Tesin, del Noares e de la Valtolina.
- Baderla l'è tipegh de l'olta Brianza, de la Valsasna, de certi band de la Valtolina e de la Bergamasca.
- Guindol e i sò variant (per esempi ghindola) deriven del germanegh (cf. todesch garnwinde, con l'istess significaa) e hinn doperaa in de la Bergamasca, in del Lodesan, in del Paves, in de l'olt Noares e Tesin, in del Mantoan e in su la Gardesana.
- Tornell e stornell hinn paroll dei band bressann.