Ascia
On'ascia (diminutiv: ascetta) l'è composta de ona massa de fil faa su a spiral, in forma circolar e ordinada. La pò avèggh on pes e ona dimension diferenta, a segonda di caratteristegh del fil, de l'usagg e de la tradizzion. De norma, on'ascia l'è pussee granda del remissell. Per fàlla minga desfà, de norma l'ascia la gh'ha vun o pussee pont de bloccagg, diferent a segonda del material del fil.
La manera pussee facil de fà su l'ascia l'è quella de fàlla inrotolà intorna a l'avambrasc. A bon cunt, poeuden vess doperaa anca l'aspa (per fàlla su) e la baderla (per desfàlla giò).