Gli Atroci

De Wikipedia
Lumbard ucidental Quest articol chì l'è scrivuu in lombard, grafia milanesa.

Gli Atroci (i atros) hinn on grupp heavy metal demenzial de Bologna, compòst de 6 òmmen mascheraa e con di nòmm pròppi strani. I màscher e i nòmm hinn staa creaa per rend omagg a gèner estrèmm come el black metal. Hinn giamò 10 agn ch'i fan di concèrt dal viv, soratùtt in del Nòrd de l'Italia. I esageren volutament la sò immàgin per rid on poo adree ai moeud pussee appariscent di grupp metal.

Stòria[Modifega | modifica 'l sorgent]

El grùpp gh'ha domà 'na biografia inventada, creada dal grupp per esagera anmò pussee la soa immàgin. Gli Atroci cunten sù in de la soa "biografia ufficial", che lor hinn mai nassuu: hinn semper esistii. Abitaven in de la Quinta Dimension, tutta fada de Metall, e, anben se cognosseven nò, i godeven del sò stat di immortai.

La stòria del grùpp la comenza quand el Professor Tetro, in del cors de la riparazion d'on "scaldabagn ad altissima tecnologia", el vegn proiettaa per error in su la Terra. Ona vòlta che l'è rivaa chì, l'ha scopèrt cont orror ch'el Metall l'è minga l'unich gener musical che l'esist ma gh'hinn anca alter gener: techno, country, liscio, dance, cantautor, rap, ecc.

Al Professor Tetro in del scoprì quest gh'è vegnuu sù on magon e l'ha decis de tornà in de la soa Quinta Dimension e de riunì on manipol d'eròi per ristabilì el domini del Metall in sul pianeta Terra. Quest grùpp di sett pròdi l'ha giuraa fedeltà eterna al Metall e l'ha affrontaa on mucc de proeuv, fra i quai el temibil Festival de San Rem.

El grupp el gh'ha avuu de affrontà on fracch de difficoltà, 'm'el sconter con la Breakdance e la New Age. In particolar quest ultim l'ha costaa al grupp vun di sò member, el "Feros Macellar", assaltaa in d'on Buddha Bar. Chest chì el s'è riunii al grùpp per i combattiment dell'estaa despoeu, ma l'è mòrt dree a battess contra el Festivalbar. I sò clon i hann ajuttaa lo stess el grùpp in di sò lòtt contra i Orchester de Liscio.

Pocch mes despoeu el Lurid Cavernicol l'è rivaa a completà el grupp, che, siccome che a 'sto punt l'era complètt, el s'è dedicaa a la promozion del Metall. L'è allora ch'el Professor Tetro, con "la serenità di pur d'anim", l'ha decis che la sò mission l'era finida e l'haa bandonaa el grùpp, che a 'sto punt l'era fòrt, e l'è 'ndaa andree in de la Quinta dimension a riparà scaldabagn.

Il grupp l'è anmò attiv e el séguita con la sò "battàja".

Formazion[Modifega | modifica 'l sorgent]

D'incoeu[Modifega | modifica 'l sorgent]

  • El Profeta - Vos e Controll di Gént
  • La Bestia Assatanada - Chitarra e Segh Elettrich
  • El Maniscalch Orrend - Bass elettrich e Frust de Cuoio
  • El Cavernicol Lurid- Batteria e Clav Nodos
  • El Nan Merlin - Cori, Coreografi e Rit Voodoo
  • El Bòia Malefich - Cori, Coreografi e Asc Insanguinad

De ier[Modifega | modifica 'l sorgent]

  • El Fabber Satanich - Batteria fina al 27 agost 2001
  • El Feros Macellár - Batteria dal 12 febbrár 2002 al 20 settember 2002 e dal giugni 2003 a settember 2003
  • El Fioèu e el Clon del Feros Macellár - Batteria - da november 2002 a giugni 2003
  • El Professor Tetro - Fina a ottober 2005
  • El Diabolich Orfanel - Cor
  • In di secol del passaa - agn indefinii - gh'eren álter duu cloni del Boia Malefich - Cor

Discografia[Modifega | modifica 'l sorgent]

Demo[Modifega | modifica 'l sorgent]

LP[Modifega | modifica 'l sorgent]

Ligamm vers foeura[Modifega | modifica 'l sorgent]