Giuseppe Diana

De Wikipedia
Lumbard ucidental Quest articol chì l'è scrivuu in lombard, grafia milanesa.

El Giuseppe Diana, mej cognossuu cont el nomm de don Peppe Diana (Casal di Principe, 4 de luj del 1958 - Casal di Principe, 19 de marz del 1994) a l'è staa on prevet italian.
A l'è staa anca on scrittor e on educator scaut. Prevost a Casal di Principe, per el sò impegn antimafia (l'è famos el sò apell ciamaa Per amor de la mè gent faroo minga citto), l'è staa coppaa de la camorra. La soa figura l'ha lassaa on gran segn in de la società civil de la Campania e de quei che lotta contra la criminalità organizada.