Giovanni Degli Antoni
El Giovanni Degli Antoni (ciamaa Gianni, Piasenza, 4 de marz 1935 - Segraa, 9 de april 2016) a l'è staa on accademich e informategh italian.
Laureaa in fisega a l'Università di Studi de Milan in del 1960, dopo vessès diplomaa al licee scientifegh, e espert in elettronega, l'ha fondaa la scoeura informatega de la Statala in del 1986, cont di alter esperiment de cibernetega fin del 1969. L'ha tolt part a la creazion del center televisiv de l'Università e a di esperiment de collaborazion informatega in tra i vari università. L'ha anca juttaa in l'analisi di dacc in del scandol di Man Nett che l'ha segnaa la transizion de la Prima Republega a la Segonda, insemma a l'Antonio Di Pietro.
Dopo de la soa mort a l'è staa nomenaa Professor Emerit e gh'han dedicaa el Dipartiment de Informatega de l'Università di Studi.