Gioeugh del Knock-Out
El Knock Out Game, o Gioeugh del Knock out in Lombard, l'è on "gioeugh" putost popolar in di Stat Unii in del qual vun el se vesina, quacc quacc, a vun che 'l passa de li e 'l ghe da ona gran tapada, de sollet on gran pugnon, in sul coo cont la mira de faggh perd i sens, ciovè de knock them out in ingles. La vitima, a regola, l'è vun che 'l se cognoss minga.
Chell "gioeugh" chi l'è giamò staa la redis de tant mort in di Stat Unii degià che quan che vun el se cata ona gran tapada in sul coo el ris'c de 'ndà al fopon l'è semper li.
El primm Knock out de la storia l'è staa in del Setember del 1992 in del stat American del Massachussetts a la MIT quan che 'l student forest Ingve Raustein, nassuu e chersuu in Norvegia, l'è staa copaa de trii gioen American, che 'na voeulta ciapaa hann ametuu de vegghel copaa, 'l student Norveges, inscì tant de fà on quejcoss, in d'on gioeugh ciamaa per l'apunt Knock Out.[1]