Và al contegnud

Gioann Angel Porr

De Wikipedia
Lumbard ucidental Quest articol chì l'è scrivuu in lombard, grafia milanesa.
El corp del beatt.

El Gioann Angel Porr (italian: Giovannangelo Porro; latin: Joannes Angelus Porro; Barlassina, 1451 - Milan, 1505) l'è staa on religios lombard, beatt de la Gesa Catolega.

Vita[Modifega | modifica 'l sorgent]

Nassu in Brianza, l'era vun di fioeu del nobel Protas Porr e de la Franceschina de Guenzaa. A desdott agn l'è andaa denter in del novizziaa de l'orden di Serv de Maria; poeu l'è passaa a Fiorenza, in del convent de la Nonziada, e in de l'eremo de Monte Senario. In del 1488 l'è tornaa a la Nonziada, e dopo sett agn l'è mort.
Per via de la soa salud pocch forta, l'è consideraa el protettor di fiolitt malaa. El San Carlo Borromee el gh'ha tribuii ona guarison de quand che l'era anmò on bagaj, e per quest el culto del beatt el s'è spantegaa de bon in de la Gesa milanesa. Anca per quest, el corp del beatt l'è l'unegh che (in deroga ai regol del Concili de Trent) el pò stà de soravia ai altar: on cas unich in di ges del Milanes.
Al dì d'incoeu el sò corp a l'è in de la gesa de San Carlo a Milan.

Alter progett[Modifega | modifica 'l sorgent]