Gesa del Carmen (Milan)

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

La Gesa del Carmen (italian: chiesa di Santa Maria del Carmine) a l'è ona gesa cattolega del center de Milan.
La se troeuva in de la Piazza del Carmen, arent al quarter de Brera. Oltr'a vess ona parocchia de l'Arcidiocesi de Milan, a l'è anca la capellania di fedei milanes de origin filippina.

Storia

In del 1268 i Carmelitan hinn rivaa a Milan, arent al sit del Castell: lainscì, a partì del secol XIV, hann inviaa a mett in pee el sò convent e la gesa lì arent, che l'è brusada in del 1330. Gnanca la gesa noeuva la gh'ha avuu fortuna: quand i fraa hinn andaa in d'on olter convent, l'è borlada in ruvina.

La gesa de incoeu l'hann cominciada a fà su in del 1339-1400: gh'è staa daa el progett noeuv al fraa Bernard de Venezzia. La costruzzion de la gesa l'è fenida in del 1446, sotta la direzzion del Peder Antoni Soree (che poeu el saria andaa a progettà el Cremlin de Mosca). Ma anca 'sta gesa noeuva a l'è crodada quasi subet, e per speccià el restaver se gh'ha avuu de speccià ancamò trii agn.
A partì de la metaa del secol XV la gesa l'è stada frequentada soratutt de nobei, come che se ved di tanti tomb in di navad e in di capell.

In del Ses'cent el presbiteri e la faciada hinn staa cambiaa in stil barocch: el stil neo-romanegh che se ved incoeu a l'è staa curaa del Carlo Maciachin in del 1880.

Ligamm de foeura

Sitt offizial

Alter progett

Wikimedia Commons el gh'ha dent imagin o alter archivi su Gesa del Carmen