Giüdee Capitel Növ

Quel articul chì l'è scrivüü in Lumbard, cun l'urtugrafia insübrica ünificada.

Giüdee

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Növ

¹Dunca, anca 'l primm acordi l'ha avüü urdinamént de servizi e un santüari sü la tèra. ²Già che una tenda l'era preparada: el primm vél, in del qual la gh'era 'l candiree, la taula e i pann de la presentaziún, che l'è ciamada el lögh sant; ³e dedree el segund vél gh'era una tenda che l'era ciamada el lögh püssee sant, ⁴che gh'ha un türibul d'or e la cassa de l'acordi che l'era quatada tütt'intorna d'or, in de la qual gh'era un vas d'or che gh'aveva 'l mana e 'l tarèll de Aharon che l'ha bütaa e i taulètt de l'acordi, ⁵e sura la cassa gh'eren i Cherubin de la gloria, che quaten cun l'umbrìa el lögh de sacrifizi, di quij adèss se parla no in di detaj.
⁶E quand tüsscoss l'eren preparaa inscì, menter i sacerdott semper vann denter a la prima tenda per cumpì el lur ministeri, ⁷a la segunda dumà una völta a l'ann el sacerdott scèff, no sénza sangh che 'l ufer per lü medemm e per i pecaa d'ignuranza de la gént, ⁸intanta che 'l Spirit Sant el mussa chèst, l'è minga faa ciara ancamò la via di sant intanta che ancamò la gh'ha post la prima tenda, ⁹la qual l'è un esempi per el temp presènt, segund el qual sia regaj sia sacrifizi hinn ufert che pöden minga fà perfètt segund la cunsciénza lü che 'l ministra, ¹⁰dumà di coss de mangià, e i coss de bév, i lavadür, i regulamént de la carna, impost fin al temp de la reforma.
¹¹Ma quand Crist l'è vegnüü cumè sacerdott scèff di bonn coss che hinn vegnüü travèrs la tenda püssee granda e püssee perfèta--no fada cun i man, l'è de dì, no de chèsta creaziún, ¹²né travèrs el sangh di caver e vedèj ma travèrs el propi sangh l'è naa denter una völta a i lögh sant, despö che l'ha truaa una redenziún eterna. ¹³Già che se 'l sangh di caver e tor e la scendra di manz sbrufand i fann sant lur che hinn faa impür a la bügada de la carna, ¹⁴quant pü el sangh de Crist, che travèrs el Spirit etern el s'è ufert senza smagia a Diu, el farà nèta la nostra cuscenza di oper mort perchè servum el Diu vivent.
¹⁵E per via de chèst l'è un mediadúr d'un növ acordi, perchè, già che una mort l'è sücess, a la redenziún di trasgressiún suta 'l primm acordi, lur che hinn ciamaa riceven la prumèssa de l'ereditaa eterna. ¹⁶Già che due gh'è un testament, l'è necessari che l'è presentada la mort del testadúr: ¹⁷già che un testament l'è valid sü i mort, perchè l'ha mai forza quand el viv el testadúr. ¹⁸Dunca, sénza 'l sangh gnanca el primm l'è minga staa iniziaa; ¹⁹già che despö che ogni cumandamént l'era parlaa segund la leg suta Musè a tüta la gént, despö che l'ha ciapaa 'l sangh di vedèj e di caver cun aqua, lana russa e issop l'ha sbrufaa sia 'l liber medemm sia tüta la gént ²⁰disend,
«Chèst l'è 'l sangh de l'acordi che Diu l'ha cumandaa a vialter».
²¹E l'ha sbrufaa sia la tenda sia i atrèzz del ministeri cunt el sang in de l'istessa manera. ²²Anca squas tüsscoss hinn pürifegaa cunt el sangh segund la leg in del sangh e sénza la spantegada del sangh gh'è minga una perdunanza di pecaa.
²³Dunca, l'era necessari che i esempi sien faa nètt i coss che gh'hinn in di chèst cél, menter i medemm cél cunt i sacrifizi püssee mejúr di chèst. ²⁴Già che Crist el va minga denter a lögh sant faa cunt i man, figür di coss ver, ma al cél medemm, cumparì adèss a la facia de Diu per nümm; ²⁵no per ufrì lü medemm de spéss, propi cumè 'l sacerdott scèff el va denter a i lögh sant ogni ann cunt el sangh d'un alter, ²⁶perchè l'era necessari che lü 'l pat de spéss de la fundaziún del mund; ma adèss una völta a la fin di secul l'è staa faa vedüü per mett via 'l pecaa travèrs el sò sacrifizi. ²⁷E cumè l'è reservaa che i omen mören una völta, e despö chèst la cundana, ²⁸inscì anca Crist, una völta despö che l'è staa ufert perchè lü l'abia purtà sü i pecaa di tant, una segunda völta sénza pecaa el cumparà a lur che ghe speten per la salvéza.

Navigaziun

• ← Indree a Capitel Vott
• Inanz a Capitel Des →
• A l'indes