Geopotenzial

Quest articol chì l'è scrivuu in lombard, grafia milanesa.

A se definìss energìa geopotenziàl, o domà geopotenzial l’energià che gh’è besògn al fin de sollevà on chilogramm del livèll del mar fin a ‘na cèrta altèzza z:

$E_{p}=g\cdot h$

indoe:

$E_{p}$ a l’è l’energia geopotenziàl in J/kg;

$g$ a l’è l’accelerazion de gravità che ‘l sò valor a l’è intorna di 9,8m/s2 ma el pò varià segond la latitudin;

$h$ a l’è l’altèzza sora el livèll del mar in meter.

Altèzza geopotenzial

L’altèzza geopotenzial a se otten cont el divid l’energia geopotenzial per el valor de la fòrza de gravità media in su ona partìcola de vun chilogramm de massa al livèll del mar, o ben cont el divìd per go=9,8m/s²

$Z={\frac {g}{g_{o}}}\cdot z$

indoe z a l’è l’altèzza in sul livèll del mar, e Z l’altèzza geopotenziàl. De già che g l’è minga tròppo divèrs del g_o, el valor de l’altèzza geopotenzial l’è prèss a quèll de l’altèzza in sul livèll del mar, e l’è esprèss in meter; de tutt i maner de già che chèsschì l’esprìmm on’energia a se parla de meter geopotenziaj (despèss se dopera el multiplo decàmeter geopotenzial). L’altèzza geopotenzial despèss l’è doprada per rappresentà i superfici isobarich, o ben i superfici che gh’hànn l’istèssa pression atmosferega.