Folsà
|
|
Chest artícol a l'è scricc in Lumbàrt, ortograféa orientàl unificàda. |
Folsà l'è giöna de le frasiù del cümü de Brèsa. La g'ha presapóch 1770 (dato del 2008) abitàncc e la se tróa a 5 km a sud de la cità. La fà part de la Circuscrisiù Sud.
L'è lüminàt endèn docümènt del 1077 col nom de "Falciano", ma la sò urìgin la par piö antìca: el nòm el fà pensà a 'n fónt asegnàt a 'n padrù de nòm "Fulcius" o "Felice". El gh'ìa de éser colocàt sö l'antìca stràda che minàa a Cremùna che forse la riprindìa el percors de giü dei cardi de la centüriasù romàna.
El g'ha fat cümü 'nfìna al 1865, quan che l'è stat agregàt a Brèsa.
La frasiù de Folsà la fà paròchia de per sò cönt e la sò céza l'è dedicàda a San Silvèstro.