Ferrovia soraelevada de l'Esposizion de Milan

De Wikipedia
Lumbard ucidental Quest articol chì l'è scrivuu in lombard, grafia milanesa.

La Ferrovia soraelevada de l'Esposizion de Milan a l'è stada on'oeuvra de trasport publich fada su a Milan in del 1906 per conligà i zon che se faseva l'Esposizion Universal: Piazza d'Arm e Piazza Sempion e desmontada el midemm ann.

Storia[Modifega | modifica 'l sorgent]

In del 1906 l'Esposizion Universal l'era a Milan a tema straport, e i dò piazz de esposizion ai eren separaa de la stazion de Milan Porta Sempion.

Per taccàj a l'è staa deciduu de fà su ona ferrovia soraelevada, arenta ai metropolitann de quej agn.

Caratteristich[Modifega | modifica 'l sorgent]

La linia, longa 1.350 meter, la conligava direttament i du capoligna dij zon espositiv, e l'era squasi tutt in viadott, foeura de la tratta dent del Parch, per interferì no cont el panorama de l'Arch del Sempion e del Castell Sforzesch.

A l'era a binari doppi, foeura che per i capoligna cont on binari unich e l'era elettrificada a corrent alternada.

Material rotabil[Modifega | modifica 'l sorgent]

A gh'eren 18 elettromotris unii per formà 4 treni permanent e on mezz treno de emergenza, daa de l'Union Elettrotecnega Italiana.

I treni 'ndaven a 40 km/h e faseven la tratta in 3 menut. Ogni treno el podeva ospità 260 viaggiator de che 144 settaa.

Bibliografia[Modifega | modifica 'l sorgent]

  • Ernesto Fumero, Ferrovia monofase sistema Finzi per l'Esposizione di Milano 1906, in L'Elettricità, volume XXVI, n. 17, stabilimento lito-tipografico G. Abbiati, Milano, 1906, pp. 257–272.
  • Matteo Cerizza, La sopraelevata di Milano, in Tutto Treno & Storia, n. 23 (aprile 2010), p. 40.
  • Francesco Ogliari, Giovanni Cornolò, Si viaggia... anche così, Arcipelago Edizioni, Milano, 2002.