Codes sorgent per Ferrovia Lugan-Pont Tresa

{{MILCLASS}}
[[File:FLP-Strecke.png|thumb|Mappa de la linia]]
{{Red Celer Tesines/Linia S60}}
La '''Ferrovia Lugan-Pont Tresa''' a l'è 'na ferrovia a [[scartament metrich]] che la conliga [[Lugan]] a [[Ponte Tresa]], elettrifegada a 1'200 Volt in [[corrent continua]]. La gestion de la linia, per la pupart a binari unich, foeura che per un radobbi in tra Serocca e Bioeugg, e longa 12,2 km, l'è dada a la [[Ferrovie Luganesi]], che doperen el marchi "FLP".

Dal dicember 2008 la linia a l'è integrada in la [[red celer del Canton Tesin]] 'me S60: L'è l'unica linia a vess mia gestida de la [[TiLo]] e completament in man privada. L'è anca la terza linia de la red, insemma a la S20 e a la S90, a corr domà in territori svizzer.

== Storia ==
El 15 de genar 1910 a l'è fondada a Lugan la [[Società delle Ferrovie Luganesi]] per fà su ona ferrovia in tra [[Lugan]] e [[Pont Tresa]]. A l'è proposta 'na linia a binari unich e a [[scartament redutt]], che l'è fada speditament e inaugurada el 5 de giugn 1912 con trè [[automotris]], trè remorciaa e di carr per el straport merci.

La linia a l'era on raccord indirett in tra el sistema di ferrovij tesines e quell varesott: La stazion de Pont Tresa a l'éra taccada a 'na stazion di treni per [[ferrovia Pont Tresa-Ghirla|Ghirla]] e [[ferrovia Pont Tresa-Luin|Luin]], che a soa voeulta eren conligaa ai stazion di [[Ferrovie dello Stato]] Italian. De part elvetica la stazion de Lugan a l'è arenta a la stazion di [[Ferrovij Federai Svizzer]] che la permètt i conligament cont l'Isvizzera.

[[File:Limousin2003FLP01.jpg|thumb|Treno modell agn '70, doperaa finna al 2022, a Agn]]
In di agn '70 el servizzi a l'è cadenzaa grazia a la gionta di treni noeuv. Cont la dimission di ferrovij del Varesott l'ha perduu el roeul de interscambi e l'è deventada 'na sorta de [[metropolitana lingera]] per el Bass [[Malcanton]].

In del 2002, per i 90 agn de la ferrovia, a l'è faa on mestee de potenziament, cont el raddobbi de la tratta Serocca-Biogg e la gionta de cinch carrozz intermedi de la Stadler de cobbià a dò motris.

Del 7 de agost 2022 a hinn andaa in servizzi i elettrotreni [[Stadler Tramlink]], pensaa per doperà la linia in d'on regimm de [[tram-treno]], che via via desmetten i convoeuj di agn '70, che hinn venduu in [[Madagascar]].

== Material rotabil ==
[[File:FLP Tresa - Lugano stazione.jpg|thumb|Vun di tram-treni a Lugan]]
Per el servizzi a hinn doperaa vott tram Be 6/8, de la fameja [[Stadler Tramlink]]. Prima eren doperaa i [[Automotris SFL ABe 4/6 10-12]], i [[automotris FLP ABe 4/4 4-5]], i [[automotris FLP BCe 4/4 1-3]] e, finna al 2022, i [[elettrotreni FLP Be 4/8 21-25]], che eren staa modificaa cont ona cassa centrala de la [[Stadler Rail]] innanz in la soa vita operativa. Per i manoeuver eren doperaa di [[Tram TEL Ce 2/2 1-12]].

== Traffich ==
La linia a l'è verta dai 05:25 ai 00:10 con frequenza quadrioraria (on treno ogni 15 menut) i dinlavor e semioraria (on treno ogni 30 menut) i di de festa. I treni a hinn sincronizzaa cont i treni da e per [[Inciass]] e [[Bellinzona]] che fermen a la [[stazion de Lugan]], arenta a la stazion finala di FLP.

== Galleria di foto ==
<gallery>
File:FART Be 2-2 7 MOB Be 4-4 1001 MOB Be 4-4 1002 MOB Be 4-4 1001 MOB Be 4-4 1003 Chaulin-Musee 110911.jpg|Vegg motris al musee 
File:Ferrovia Lugano-Ponte Tresa treno reworked.jpg|Veggia motriss con carrozz ex RhB
File:FLP Be 6 8 51 Malcantone ad Agno 20210818.jpg|La motris Malcanton in corsa a Agn
File:Trains du Blonay-Chamby (trains touristiques) (Suisse) (6151222870).jpg|Motriss in servizzi turistegh
File:Treno FLP Ponte Tresa.jpg|Un trenin vegg, cont el so classegh sorris, a Pont Tresa
File:Ponte Tresa station 2017.jpg|La stazion de Pont Tresa con du treni fermi
File:Magliaso Paese railway station.jpg|La banda de lat de 'n treno vegg
File:FLP X2 111 Bioggio Molinazzo 070813.jpg|Carr de servizzi a Bioeugg
File:FLP-Tramlink-51-Agno.jpg|Tramlink fermo a Agn
File:Referendum tassa di collegamento FLP 040516.jpg|Interni de 'n treno modell vègg
File:SBB Historic - F 122 00013 002 - Agno FLP Stationsgebaeude Bahnseite.jpg|Foto storega con vun di primm treni
File:Tm 2-2 1 BioggioMolinazzo 070813.jpg|Mezz de servizzi a Bioeugg
</gallery>

== Bibliografia ==
* {{Cita libro
|titolo = Binari ai laghi
|autore = Adriano Betti Carboncini
|editore = Editrice Trasporti su Rotaie
|città = Salò
|anno = 1992
|pp = 210-214
|ISBN = 88-85068-16-2
}}
* Piergiorgio Baroni, ''Quel trenino lungo 100 anni: Ferrovia Lugano-Ponte Tresa'', Edizione FLP, Ferrovie Luganesi, Agno 2012.
* Hans G. Wägli, ''Bahnprofil Schweiz 2005'', Diplory, Grafenried 2005.

== Alter progett ==
{{Interprogett}}

== Vos corelaa ==
*[[Ferrovia Lugan-Tesseree]]

[[Categoria:Ferrovie del Canton Tesin]]