Ferrovia Lugan-Pont Tresa

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Mappa de la linia
Red celer tesinesa
Linia S 60
White dot.svg  Lugan FLP (→ S 10 S 50)
White dot.svg  Sorengh
White dot.svg  Sorengh Laghett
White dot.svg  Cappella-Agnuzz
White dot.svg  Biogg Molinazz
White dot.svg  Biogg
White dot.svg  Serocca
White dot.svg  Agno
White dot.svg  Maglias Paes
White dot.svg  Maglias
White dot.svg  Caslan
White dot.svg  Pont Tresa

La Ferrovia Lugan-Pont Tresa a l'è 'na ferrovia a scartament metrich che la conliga Lugan a Ponte Tresa. La gestion de la linia, per la pupart a binari unich e longa 12,2 km, l'è dada a la Ferrovie Luganesi, che doperen el marchi "FLP".

Dal dicember 2008 la linia a l'è integrada in la red celer del Canton Tesin 'me S60: L'è l'unica linia a vess mia gestida de la TiLo e completament in man privada.

Storia[<small>Mudifega</small> | mudìfica 'l sorgènt]

El 15 de genar 1910 a l'è fondada a Lugan la Società delle Ferrovie Luganesi per fà su ona ferrovia in tra Lugan e Pont Tresa. A l'è proposta 'na linia a binari unich e a scartament redutt, che l'è fada speditament e inaugurada el 5 de giugn 1912 con trè automotris, trè remorciaa e di carr per el straport merci.

La linia a l'era on raccord indirett in tra el sistema di ferrovij tesines e quell varesott: La stazion de Pont Tresa a l'éra taccada a 'na stazion di treni per Ghirla e Luin, che a soa voeulta eren conligaa ai stazion di Ferrovie dello Stato Italian. De part elvetica la stazion de Lugan a l'è arenta a la stazion di Ferrovij Federai Svizzer che la permètt i conligament cont l'Isvizzera.

Treno ad Agn

In di agn '70 el servizzi a l'è cadenzaa grazia a la gionta di treni noeuv. Cont la dimission di ferrovij del Varesott l'ha perduu el roeul de interscambi e l'è deventada 'na sorta de metropolitana lingera per el Bass Malcanton.

In del 2002, per i 90 agn de la ferrovia, a l'è faa on mestee de potenziament, cont el raddobbi de la tratta Serocca-Biogg e la gionta de cinch carrozz intermedi de la Stadler de cobbià a dò motris.

Material rotabil[<small>Mudifega</small> | mudìfica 'l sorgènt]

Treno a Pont Tresa

Per el servizzi a hinn doperaa di Elettrotreni FLP Be 4/8 21-25, recentement modificaa cont ona cassa centrala de la Stadler Rail. Prima eren doperaa i Automotris SFL ABe 4/6 10-12, i automotris FLP ABe 4/4 4-5 e i automotris FLP BCe 4/4 1-3. Per i manoeuver eren doperaa di Tram TEL Ce 2/2 1-12.

Traffich[<small>Mudifega</small> | mudìfica 'l sorgènt]

La linia a l'è verta dai 05:25 ai 00:10 con frequenza quadrioraria (on treno ogni 15 megnuu) i dinlavor e semioraria (on treno ogni 30 megnuu) i di de festa. I treni a hinn sincronizzaa cont i treni da e per Inciass e Bellinzona che fermen a la stazion de Lugan, arenta a la stazion finala di FLP.

Bibliografia[<small>Mudifega</small> | mudìfica 'l sorgènt]

  • Adriano Betti Carboncini, Binari ai laghi, Salò, Editrice Trasporti su Rotaie, 1992, pp. 210-214, ISBN 88-85068-16-2.
  • Piergiorgio Baroni, Quel trenino lungo 100 anni: Ferrovia Lugano-Ponte Tresa, Edizione FLP, Ferrovie Luganesi, Agno 2012.
  • Hans G. Wägli, Bahnprofil Schweiz 2005, Diplory, Grafenried 2005.

Vos corelaa[<small>Mudifega</small> | mudìfica 'l sorgènt]