Fenestraria

De Wikipedia
Jump to navigation Jump to search
Chest artícol a l'è scricc in Lumbàrt Orientàl, ortograféa unificàda Lombard oriental
Fenestraria
Fenestraria rhopalophylla
Fenestraria rhopalophylla
Classifigazion sientífiga
Regn: Plantae
Division: Magnoliophyta
Clas: Magnoliopsida
Ùrden: Caryophyllales
Famìa: Aizoaceae
Sota-famìa: Ruschioideae
Stìrpa: Ruschieae
Zèner: Fenestraria
N.E.Br. 1925
Spéce: Fenestraria rhopalophylla
N.E.Br. 1927
Sinonim

Fenestraria aurantiaca

Fenestraria l'è 'n zèner monotìpich (l'ünica spéce l'è F. rhopalophylla) de piànte suculènte che fà part de la famìa de le Aizoaceae.

Descrisiù[<small>Mudifega</small> | mudìfica 'l sorgènt]

L'è 'na piànta che de spès la se tróa töta quarciàda zó de sàbia e le sò fòie trasparènte le permèt che ghe rìe lùce asé per fà la fotosìntezi. F. rhopalophylla l'è uriginària de la Namibia e del Namaqualand, en Sudafrica. La crès en teré sabiùs en zòne endóche piöf poch fés (100 mm de àiva a l'an de média).

Per aspèt e comportamènt la se 'nsomèa fés a Frithia pulchra, ma i fiùr de la Fenestraria i è zalcc envéce chèi de la Frithia i è ròza co la part piö centràla bianca. Gh'è diferènsa apò a 'ndèla fùrma de la finèstra trasparènta 'nsìma a la fòia, endela Fenestraria l'è piö definìda e regolàra che nó 'ndela Frithia. Pò a l'habitat l'è diferènt, la Fenestraria la crès en ambièncc piö sèch, la F. pulchra la crès en ambiéncc endoche piöf bé 'n istàt.

El fiùr zalt de la F. rhopalophylla


Tasonomìa[<small>Mudifega</small> | mudìfica 'l sorgènt]

L'ünica spéce de chèsto zèner l'è dividìda en dò sotaspéci[1]:

  • F. rhopalophylla subsp. rhopalophylla
  • F. rhopalophylla subsp. aurantiaca (=*F. aurantiaca)

Riferimèncc[<small>Mudifega</small> | mudìfica 'l sorgènt]

  1. Fenestraria en PlantList
Commons-logo.svg
Wikimedia Commons
al gh'a dent roba culegada a: