Età Modèrna
(Rimandad de Etaa Moderna)
|
Chèst artìcol a l'è scricc in Lombàrd, ortograféa bergamasca del Dücàt. |
L'Età Modèrna l'è öna di quatèr èpoche (antìca, medievàla, modèrna e de incö) de la stòria de l'Euròpa segónd la storiograféa. L'è lónga sirca tri sècoi, da la segónda mità del XV (o prensépe del XVI) a la fì del XVIII (o prima mità del XIX).[1] L'è caraterisàda da la nàssita stacc di modèrni in Euròpa e da la colonisassiù del mónd da part del Vècc Continènt.[2]
Datassiù
[Modifega | modifica 'l sorgent]La datassiù clàsseca l'è chèla che la và dal 1492 (scoèrta de l'Amèrica) al 1789 (Reolüssiù Francés).[1] Per ol prensépe i è dovràde ach:
- Ol 1453: tóma de Costantinopoli e fì de la Guèra di Sènt Agn, che la pórta a la formassiù di règn modèrni e al prensépe de la stòria di stacc-nassiù.[1]
- Ol 1517: Refórma Protestànt.[3]
Per la fì:
- Ol 1815: Congrèss de Vièna e prensépe de la Restaürassiù.[2]
- Ol 1848: mòti in töta Euròpa, e prensépe di nassiunalism.[4]
- Ol 1870: nàssita de l'Itàlia e de la Germània.[4]
- Ol 1914: an del prensèpe de la prima guèra mondiàl, e de la fì de la söpremasìa de l'Euròpa.[5]