Esperanto (virus)
Esperanto l'era on virus informategh descovert in del 1997 scrivuu in assembly e che 'l taccava Windows e Mac OS, scrivuu dal spagnoeu Mister Sandman, esperantista.
Infezion de Windows
[Modifega | modifica 'l sorgent]L'infezion in Windows l'era assee normal, el cercava se gh'eren di cobbi sò in la memoria e se gh'eren no el vegniva resident, per poeu infettà tucc i file .exe e .com
Infezion del Mac
[Modifega | modifica 'l sorgent]In del codes del virus gh'era on tocch, a la fin, in codes assembly per Motorola 68k e 'l processor el ciappava 'me ruff i istruzion in Assembly Intel per saltà a quij in Assembly Motorola. El virus poeu el depositava ona MDEF, tocch de software per Mac, che la infettava el computer. Ciarament per infettà di file per Windows gh'era besogn che fussen eseguii in d'on emulator, roba assee spantegada in quij agn.
Effett
[Modifega | modifica 'l sorgent]El 26 de luj, data de pubblicazion del primm liber in esperanto, el mostrava 'sto messagg in sul monitor:
Never mind your culture / Ne gravas via kulturo, Esperanto will go beyond it / Esperanto preterpasos gxin; never mind the differences / ne gravas la diferencoj, Esperanto will overcome them / Esperanto superos ilin. Never mind your processor / Ne gravas via procesoro, Esperanto will work in it / Esperanto funkcios sub gxi; never mind your platform / Ne gravas via platformo, Esperanto will infect it / Esperanto infektos gxin. Now not only a human language, but also a virus... Turning impossible into possible, Esperanto.
Ona voeulta schisciaa "OK" el virus el sarava la finestra e 'l faseva nagòtt.